影片
更多
2017-10-05
2585 瀏覽
上年竟然忘記咗結婚週年紀念日冇慶祝到，今年當然不容有失，但我又唔甘心去食過嘅餐廳。計一計日子，知道Adachi san嘅新工作地方會係我Anniversary前幾日開張，時間啱啱好，老婆又鐘意食壽司，直頭天作之合。Adachi san算係我最欣賞，係香港嘅壽司師傅。從Sushi Ginza Onodera, 到竹壽司，都從來冇令我失望過。至於新店鮨慎，Adachi san提過料理長係從鮨魯山過嚟嘅神立師傅，再加埋呢個地段，已大概可以估計到入貨方面會接近之前Onodera水平，非常期待。同一楝大廈頗多高水準餐廳，鮨慎係12樓，一出電梯經理已有禮地歡迎並帶我入餐廳，室內係一張長壽司Bar枱，Counter後面係開揚大玻璃窗，有自然光影相靚好多，相機食先嘛哈哈，窗外可以望到頗遠。Adachi san已經同助手在恭候。似乎因為餐廳剛開業幾日，所以未算太忙。都好吖，可以靜靜地同老婆慶祝。午餐主要有3個Option, $480, $680同$1180, 第一次嚟當然唔會揀最貴嘅Omakase （其實係生性孤寒）頭兩個餐分別係10件或12件壽司，師傅話除咗件數外，某幾件用料都會有啲分別，例如白身魚同
同一楝大廈頗多高水準餐廳，鮨慎係12樓，一出電梯經理已有禮地歡迎並帶我入餐廳，室內係一張長壽司Bar枱，Counter後面係開揚大玻璃窗，有自然光影相靚好多，相機食先嘛哈哈，窗外可以望到頗遠。Adachi san已經同助手在恭候。似乎因為餐廳剛開業幾日，所以未算太忙。都好吖，可以靜靜地同老婆慶祝。
午餐主要有3個Option, $480, $680同$1180, 第一次嚟當然唔會揀最貴嘅Omakase （其實係生性孤寒）頭兩個餐分別係10件或12件壽司，師傅話除咗件數外，某幾件用料都會有啲分別，例如白身魚同海膽。
頭盤係八爪魚，質感非常柔軟而醬油味適中。蒸蛋好滑，上面鋪滿三文魚子，三文魚子鹹鮮味再配合白果嘅微甘，好味。
八爪魚
70 瀏覽
1 讚好
0 留言
三文魚子蒸蛋
76 瀏覽
0 讚好
0 留言
前菜之後Adachi師傅開始握壽司喇。第一件係魷魚| Ika 青檸汁加一丁點海鹽，味道清新。留意到新店用嘅係紅醋飯，醋味唔算明顯，質感唔錯。佢提過會用白醋同紅醋兩種飯去配合唔同食材。當日就只用咗一種，我估可能晚餐先會分得咁仔細。
魷魚| Ika
133 瀏覽
0 讚好
0 留言
中吞拿魚腩 | Chutoro
68 瀏覽
0 讚好
0 留言
金目鯛 | Kinmedai
63 瀏覽
1 讚好
0 留言
甜蝦 , 右口魚, 池魚, 赤貝, 海鰻
88 瀏覽
2 讚好
0 留言
右口魚 | Karei
池魚 | Aji
赤貝 | Akagai，中Size, 肉非常爽甜
海鰻 | Anago，一分為二，一件鹽燒, 另一件配鰻魚汁
原諒我因為懶同諗唔到啲比較詩意嘅形容詞所以唔續件介紹喇。總括係全部都新鮮好味哈哈。
想提一下Adachi師傅上壽司個pace係比較從容，唔會一件未食完又即刻整好哂下一件催催貢咁。每件之間都有小空檔可以食片薑飲啖茶咁慢慢嚟。所以如果午餐趕時間記得同佢講聲叫佢上快啲。同埋件與件之間佢都會抹走碟上面多餘嘅醬油，呢吓小動作對我嚟講好重要，除咗美觀影相靚啲之外，呢啲留係碟面醬油，越儲越多時會咁下一件壽司應該避開啲醬油放？定就咁放係上面由啲壽司飯吸收咗佢？越諗越心煩。
白海膽 | Uni
58 瀏覽
0 讚好
0 留言
題外話，話說個多月前第一次去一間比較新開銅鑼灣鮨店，壽司師傅提到新餐廳理念方向時佢細細聲講，大概意思係 「好似依家出面啲咩海膽杯呀咁乜都大堆頭，呢啲我哋唔做㗎。我們想做得精緻啲。」我不能同意更多。
赤身醬油漬 | Akami marinated with soya sauce
49 瀏覽
0 讚好
0 留言
蔥吞拿魚碎手卷 | Negitoro handroll
37 瀏覽
1 讚好
0 留言
蛋壽司 | Tamago
45 瀏覽
0 讚好
0 留言
再有兩片柚子味醃蘿蔔清一清味蕾。最後係麵豉湯，夠熱味道唔太濃，裏面有啲碎紫菜，食完壽司正好暖一暖個胃。是日甜品有海鹽，豆腐，同綠茶雪糕供選擇，未試過所以揀咗海鹽味，咸咸地幾特別，建議配例如淡煉奶可以會再好啲。
後來朋友約一星期後到餐廳食Lunch，竟然有我至愛嘅綠茶奶凍😱
餐廳設計上細節位做得唔錯。Counter位啲櫈只有一邊有扶手，另一邊係冇嘅，咁出入例如去洗手間拉櫈時就冇咁狼狽。而下面嘅leg room亦好深，坐得舒服。用餐其間神立師傅亦有同我倆閒談，態度感覺非常有善。離開時Adachi san 同經理都有送行到𨋢口。呢間新鮨店，整體無論餐廳地點，食物，服務，環境同價位都非常滿意。係有些少貴但絕對物超所值。如無意外會成為我嘅飯堂！
張貼
