ASOK THAI GARDEN

營業中

休息中

餐廳：ASOK THAI GARDEN地點：尖沙咀亞士厘道菜式：泰式Fusion菜餐牌：平日有午餐，午餐主食10選1，包菊花茶/香茅檸檬茶/洛神花茶，加$10有是日例湯或者是日沙律，可以加錢要小食/甜品，或者升級餐飲。收加一。落單掃QR code。紅咖哩虎蝦濃湯烏冬 $78 另加一紅咖哩虎蝦濃湯烏冬面頭有大大隻連殼虎蝦，肉厚而蝦頭有膏。伴有青檸半隻，脆口四季豆幾條。烏冬非常滑溜煙韌，吸左個香滑紅咖哩湯非常正，仲有少少芽菜加添口感。面頭一條芫茜好夾紅咖喱。泰式海南雞飯 $85 另加一泰式海南雞飯有好多雞肉食，有雞冀雞胸，皮滑肉唔鞋，好健康。另上少少甜酸汁，配雞肉食更好味。蔬菜有兩片青瓜，一粒車厘茄切半，面頭加上芫荽同辣椒，仲有少少脆脆。下底少油飯都唔錯。另上一細碗香茅味濃嘅雞湯。泰式燒豬頸肉 $40 另加一泰式燒豬頸肉超大碟，勁脆皮而厚切，啖啖肉，好正！伴紅咖喱醬更惹味！面頭加上辣椒同芫荽。雞肉串燒 $30 另加一雞肉串燒一客兩串，燒得好脆皮，熱辣辣啖啖肉，面頭灑上兩條菜苗。另配紅咖喱醬好惹味。飛天炒通菜 $40 另加一飛天炒通菜都好大碟，通菜夠嫩，夠味而唔油。菊花茶菊花茶唔甜，好健康。