影片
更多
2022-03-27
654 瀏覽
⭐️⭐️⭐️⭐️⭐️📍Club Rangoon (Central)🍴為食妹好鍾意食異國菜所以bookmark咗呢間緬甸菜好耐，終於去咗試，門口都幾隱蔽同埋招牌好細，好容易會行過咗，餐廳環境比較昏暗，好似去咗秘密餐廳咁😎餐廳經理好熱情，推薦完餐廳嘅招牌cocktail，再簡單介紹咗餐牌上嘅菜式同招牌菜式，再根據人數提議應該叫幾多道菜，非常貼心🥰~ Small plates • mutton samusa ($100/2)• potato samusa ($40)🍴為食妹一行三人唔想食四件咖哩角但係兩款口味都想試，經理就好好人咁話可以散叫一件嚟試😆，兩款咖哩角都炸到熱辣辣脆卜卜，咖哩鹹牛肉加入咗少少洋蔥粒，鹹香十足，咖哩薯仔就口感綿密，不比鹹牛肉遜色👍🏻~ Salads• la phet thoke ($140) (tea leaf salad)🍴經理介紹呢款茶葉沙律係每逢緬甸人請客必有嘅前菜，材料有醃茶葉、椰菜絲、車厘茄、紫洋蔥同緬甸特製嘅脆豆，成個沙律啲材料都爽爽脆脆，調味酸酸甜甜非常清新🌱，每一口都咀嚼到少少茶葉碎所以口腔內會充滿茶香，仲留有餘韻，非常特別☺️~ Noodles• ohn no
📍Club Rangoon (Central)
🍴為食妹好鍾意食異國菜所以bookmark咗呢間緬甸菜好耐，終於去咗試，門口都幾隱蔽同埋招牌好細，好容易會行過咗，餐廳環境比較昏暗，好似去咗秘密餐廳咁😎
餐廳經理好熱情，推薦完餐廳嘅招牌cocktail，再簡單介紹咗餐牌上嘅菜式同招牌菜式，再根據人數提議應該叫幾多道菜，非常貼心🥰
~ Small plates
• mutton samusa ($100/2)
• potato samusa ($40)
🍴為食妹一行三人唔想食四件咖哩角但係兩款口味都想試，經理就好好人咁話可以散叫一件嚟試😆，兩款咖哩角都炸到熱辣辣脆卜卜，咖哩鹹牛肉加入咗少少洋蔥粒，鹹香十足，咖哩薯仔就口感綿密，不比鹹牛肉遜色👍🏻
20 瀏覽
0 讚好
0 留言
~ Salads
• la phet thoke ($140)
(tea leaf salad)
🍴經理介紹呢款茶葉沙律係每逢緬甸人請客必有嘅前菜，材料有醃茶葉、椰菜絲、車厘茄、紫洋蔥同緬甸特製嘅脆豆，成個沙律啲材料都爽爽脆脆，調味酸酸甜甜非常清新🌱，每一口都咀嚼到少少茶葉碎所以口腔內會充滿茶香，仲留有餘韻，非常特別☺️
9 瀏覽
0 讚好
0 留言
~ Noodles
• ohn no khout swel ($180)
(coconut noodle)
🍴呢道擺盤好靚嘅係椰子麵，廚師將蛋麵放入加咗椰漿嘅雞咖哩，味道有啲似好濃稠嘅叻沙🤣，有好香嘅香茅味，拌勻麵上面嘅辣油後，夾起麵條掛住濃郁嘅椰漿咖哩，帶點辣勁超級惹味😋，雞粒唔算好滑，不過成碗麵食得多會有少少膩，建議三至四個人分享呀🙈
31 瀏覽
0 讚好
0 留言
~ Large plates
• kha yan thee hnat ($150)
(aubergine curry)
🍴呢款係經理推薦嘅茄子咖哩，茄子畀咖哩煮得軟度啱啱好又入味，唔會爛巴巴，味道甜甜辣辣，估唔到茄子加埋咖哩原來都幾夾喎，配埋個黃豆乾葱炒飯就啱哂喇😎
12 瀏覽
0 讚好
0 留言
• ngar kin chin sat ($395)
(roast whole sea bream)
🍴為食妹好鐘意食燒魚，呢條燒鯛魚超大條，燒得外脆內軟，外皮香脆，內裡肉質鮮嫩，仲有肉汁流岀嚟🤤，魚肉一啲都唔腥口感彈牙，魚下面鋪咗一層自家製香茅薑蔥辣醬，都幾辣下🔥，加埋一齊食令魚肉增添辣味，更有東南亞風味🤗
22 瀏覽
0 讚好
0 留言
11 瀏覽
0 讚好
0 留言
~ Sides
• yellow pea fried rice with crispy shallots ($50)
~ Desserts
• burmese tea ice cream ($120)
🍴呢款甜品超有驚喜😍，紅茶味雪糕超濃茶味，好軟滑唔會太甜，底下係banana crumble ，軟糯香甜嘅香蕉粒，加上旁邊嘅脆餅碎，同紅茶雪糕非常配搭，又香又甜有軟有脆，層次非常豐富超好味😋
13 瀏覽
0 讚好
0 留言
~ Drinks
• floating garden ($98)
• da nyin gone ($98)
• ode to dawei ($128)
—————————
⭐️⭐️⭐️⭐️⭐️
💲💲
13 瀏覽
0 讚好
0 留言
張貼
