李家 (已搬遷) 新店位置

朋友介紹的餐廳令人大失所望,此行,我會感受到咩叫希望越大,失望越大 。前菜有兩碟，但係隔離韓國人有3碟,同桌有兩組香港人，一組內地人都係得兩碟，店主是否特別優特同族人大家自己評論。菜牌的選擇比一般韓國餐館略為不同，人有佢沒，佢有既人地沒。話雖如此，價錢是一般韓國餐館的一倍。點菜時見到隔離點既菜大大碟,我都唔敢叫太多,唔想做成浪費,所以只點了兩道菜,分別係香蔥炸雞以及炒海鮮芝士年糕。海鮮芝士炒年糕，一黎到會令人懷疑有沒黎錯餸，因為該菜樣貌似焗非炒 整個菜海鮮都算足夠，另有面條在內，唔會單食年糕咁DRY.芝士量唔少，可以大啖大啖咁食，亦頗為煙韌。炸雞真係令我失望,唔知係我唔好彩定佢地失水準,炸出黎既雞肉完全沒肉汁呢個都唔係問題，整碟約十件的炸雞有為數不少是骨頭，他們只是炸骨頭充斥住碟既部份被朋友稱為比某連鎖炸雞店好味幾倍的"不過如此而已"。甚至可以形容為肋骨，食之沒味棄之可惜。一言以敝之，後會沒期。