影片
更多
2022-11-22
3820 瀏覽
建議：如果人數較多/繁忙時段去，記得提前打定電話Book 位👍終於又到左涼爽天啦😌🍖 又係時候BBQ，今次一戰#大美督 既室外任食燒烤場☀️環境・價錢成個場好大，除左燒烤仲有幾個遊戲攤位同大型充氣設施😂 係小朋友放電既好地方。當日都算早到，大概5️⃣點左右到，唔洗訂位直入揀位，有2️⃣種揀：燒烤爐/燒烤枱。#試伏專員 就揀左燒烤枱，燒起野食上黎都方便啲👍🏻 價錢算抵玩😌 開爐HK$70＋人頭費HK$190@ 入場包2️⃣張飲品券，每張可以去櫃台換價值HK$8既飲品，好似係：水、罐裝汽水…等等，亦有啲貴啲既飲品：涼茶、啤酒同檸檬茶…等等，只有補錢就得。🍖食物質素入場後只要拎住張開爐單去食物櫃，就會拎到一盤預先執好既食物盤，入面已經有齊唔同類型既肉同丸👍🏻 食完拎番盤再去櫃台揀就🆗 食物選擇算多，質素正常。醃肉類、丸、多春魚…等等都有齊。醃肉類味道唔錯，Fd子話去麥師傅門市買一樣正。金沙骨同豬頸肉好入味，係燒烤Encore之選。最正係有燒賣😂 雖然粒燒賣既質素就一般般，不過加埋調味都唔錯❤️ 調味係場內就唔見有得買，所以Fd子自備左樽椒鹽，用黎點燒賣同多春魚真係一流😎 BBQ又點少得蜜糖方包同棉花糖，入場
終於又到左涼爽天啦😌🍖 又係時候BBQ，今次一戰#大美督 既室外任食燒烤場
☀️環境・價錢
成個場好大，除左燒烤仲有幾個遊戲攤位同大型充氣設施😂 係小朋友放電既好地方。當日都算早到，大概5️⃣點左右到，唔洗訂位直入揀位，有2️⃣種揀：燒烤爐/燒烤枱。#試伏專員 就揀左燒烤枱，燒起野食上黎都方便啲👍🏻
價錢算抵玩😌 開爐HK$70＋人頭費HK$190@ 入場包2️⃣張飲品券，每張可以去櫃台換價值HK$8既飲品，好似係：水、罐裝汽水…等等，亦有啲貴啲既飲品：涼茶、啤酒同檸檬茶…等等，只有補錢就得。
🍖食物質素
入場後只要拎住張開爐單去食物櫃，就會拎到一盤預先執好既食物盤，入面已經有齊唔同類型既肉同丸👍🏻 食完拎番盤再去櫃台揀就🆗 食物選擇算多，質素正常。醃肉類、丸、多春魚…等等都有齊。
醃肉類味道唔錯，Fd子話去麥師傅門市買一樣正。金沙骨同豬頸肉好入味，係燒烤Encore之選。最正係有燒賣😂 雖然粒燒賣既質素就一般般，不過加埋調味都唔錯❤️ 調味係場內就唔見有得買，所以Fd子自備左樽椒鹽，用黎點燒賣同多春魚真係一流😎
BBQ又點少得蜜糖方包同棉花糖，入場時每爐會派一枝蜜糖同一袋方包(4塊)，方包如果唔夠可以係櫃台再拎 (記得拎左就要食哂，千其唔好浪費)。如果想燒棉花糖亦可以係櫃台買，大概係HK$28 包。
🚌交通
交通算方便，係#大埔墟 搭小巴20C /巴士 75K。雖然官網寫住汀角站落😂 不過小巴司機話成條都叫汀角，所以如果搭小巴，可以過左觀音像(慈山寺) 之後叫：山寮 /翠濤苑/麥師傅 都得😎 如果揀搭巴士，就係可以考慮係山寮落車👍🏻 如果係揸私家車🚗就先到先得泊位，位置都算多。
張貼
