Peek-A-Chill (已結業)

星期日晚同老公去銅鑼灣Peek-A-Chill食泰國菜。我地叫左兩個晚市套餐，再加啲其它野食，滿足甘飽住走。泰式一人海鮮特種部隊鍋以冬陰公湯做湯底，唔同既海鮮做配料，主食係公仔麵，勁夾勁好食。大蝦炒金邊粉金邊粉炒得好惹味，大蝦新鮮彈牙，味道鹹鹹甜甜甘，好味。蟹肉奄列 奄列卷成一層層，包住洋蔥絲，大量蟹肉鋪係上面，蟹味好鮮。秘製泰式生蝦生蝦新鮮，醬汁都幾辣下。泰瘋雞翼雞翼外脆內軟，好香口。泰式馬拉盞通菜通菜幼嫩，唔錯。甜品有椰汁西米糕同椰子雪糕，椰汁西米糕煙煙韌韌，椰子雪糕質地黏稠，有啲似gelato 既質感。餐飲叫左泰式奶茶(樽)同泰象生啤。