影片
更多
2011-01-17
169 瀏覽
收左工，又未到食飯時候，所以就約左幾位 Auntie 喺 Blue Bar 到摸下酒杯底，聯絡下感情。一入 Blue Bar 門口已經被佢棵聖誕樹吸引住，急不及待攞左部相機出黎影相。酒吧既光線還OK，不過室內其他角落就真係好黑啦：身手敏捷既我都差Ｄ跌倒，而且唔開閃光燈係乜野都影唔倒；因為相機既＂橫掃＂(Panorama) 功能用唔倒閃光燈，所以玩唔倒，灰爆。枱上既蠟燭除左照唔倒個餐牌外，重細到連氣氛都唔係好製造倒囉，Blue Bar 唔知會唔會遲Ｄ改名為 Black Bar 呢？！冇作大架，每位工作人員都有枝電筒喺身架，唔信可以問佢地借黎睇。 基於危險理由，今次環境分只可以比兩分；衛生方面就因為太黑而定奪唔倒。埋位時經過一枱既食物，所以就多口問經常喺到飲茶既 Auntie 們係咪有 Tea Buffet。佢地話 Blue Bar 既特式係每日 5:30 - 7:30pm 只要叫杯飲品，就可以免費享用個buffet既所有食物，款式每日不同。不過黑麻麻，要飲左兩杯既人行黎行去，感覺會好容易發生意外囉。Auntie們話可能因為聖誕假後 Blue Bar覺得會冇乜人黎幫襯，所以當日既食物比較唔
一入 Blue Bar 門口已經被佢棵聖誕樹吸引住，急不及待攞左部相機出黎影相。
酒吧既光線還OK，不過室內其他角落就真係好黑啦：身手敏捷既我都差Ｄ跌倒，而且唔開閃光燈係乜野都影唔倒；因為相機既＂橫掃＂(Panorama) 功能用唔倒閃光燈，所以玩唔倒，灰爆。
枱上既蠟燭除左照唔倒個餐牌外，重細到連氣氛都唔係好製造倒囉，Blue Bar 唔知會唔會遲Ｄ改名為 Black Bar 呢？！冇作大架，每位工作人員都有枝電筒喺身架，唔信可以問佢地借黎睇。 基於危險理由，今次環境分只可以比兩分；衛生方面就因為太黑而定奪唔倒。
埋位時經過一枱既食物，所以就多口問經常喺到飲茶既 Auntie 們係咪有 Tea Buffet。佢地話 Blue Bar 既特式係每日 5:30 - 7:30pm 只要叫杯飲品，就可以免費享用個buffet既所有食物，款式每日不同。不過黑麻麻，要飲左兩杯既人行黎行去，感覺會好容易發生意外囉。Auntie們話可能因為聖誕假後 Blue Bar覺得會冇乜人黎幫襯，所以當日既食物比較唔吸引。
燒賣係最搶手既一款，不過味道好一般，應該唔係來自同酒店取得米芝連三星既龍景軒掛，因為幾乾，而且用料超級有雪藏feel。
女士們都好欣賞個 Vegetable Dip，話Ｄ蔬菜好新鮮爽口。
愛喝香檳既我叫左杯 Kir Royale，$190杯。感覺非常貴之餘，唔知點解杯中既氣泡不到兩分鐘已經冇哂。Sorry，唔係淨係我嗰杯係咁，其他香檳cocktail都係一樣，唔通泄氣？
講真一句，小弟真係好少會比低過兩分既服務分。今次黎到酒店，覺得除左人手短缺之外，個個都好似黑面神咁，極度覺得自己不受歡迎。等人落單都要成十分鐘，問多兩句佢地既態度重好不耐煩添。當日計埋我地都係得四張枱，居然叫杯熱水都要叫幾次，個個都話唔記得，咁唔知全場滿哂時會點呢？真係難以想像自己係喺酒店入面囉。要成千蚊飲到成肚火，在下覺得唔低到極點。
張貼
