影片
更多
2009-06-29
28-6-2009一班人食過旺角店的套餐 (http://www.openrice.com/restaurant/commentdetail.htm?commentid=1980605) 覺得麻麻哋, 今次同另一班人嚟到尖沙咀店, 前菜 / 湯 / 點心 / 主食/ 甜品通通散叫, 估唔到好食咁多!口水雞: 唔辣, d 汁帶點甜, 味道有點似紅油抄手嗰隻汁, 好香好惹味; 雞件亦好肉又嫩滑, 好食喎!三鮮津白: 清淡之選, 略嫌津白唔夠腍.京燒羊肉: 食了件皮脆, 肉尚算鬆化但又幾乾, 肥部分唔少但無羊味的...砂鍋雲吞雞: 同旺角店一樣, 菜肉雲吞皮薄餡鮮, 湯底就唔夠濃厚, 味道太清淡; 柴皮雞肉就係湯渣質素, 可以不試.小籠包: 皮太厚, 湯汁份量 ok, 不過唔多夠熱; 可幸豬肉餡料鮮甜.煎窩貼: 食了隻一夾即「甩底」, 餡料一般鮮, 又無喱湯汁的, 同旺角店差得遠喎!干煸四季豆: 唔算油, 四季豆夠嫩夠爽脆, 辣辣哋肉碎亦惹味, 呢個 ok.咕嚕蝦仁: 粉漿幾厚, 可幸夠脆; 咕嚕汁幾杰, 酸甜味道平衡, 配上爽口河蝦, 都幾好食.糖醋排骨: 排骨肉腍, 糖
一班人食過旺角店的套餐 (http://www.openrice.com/restaurant/commentdetail.htm?commentid=1980605) 覺得麻麻哋, 今次同另一班人嚟到尖沙咀店, 前菜 / 湯 / 點心 / 主食/ 甜品通通散叫, 估唔到好食咁多!
口水雞: 唔辣, d 汁帶點甜, 味道有點似紅油抄手嗰隻汁, 好香好惹味; 雞件亦好肉又嫩滑, 好食喎!
三鮮津白: 清淡之選, 略嫌津白唔夠腍.
京燒羊肉: 食了件皮脆, 肉尚算鬆化但又幾乾, 肥部分唔少但無羊味的...
砂鍋雲吞雞: 同旺角店一樣, 菜肉雲吞皮薄餡鮮, 湯底就唔夠濃厚, 味道太清淡; 柴皮雞肉就係湯渣質素, 可以不試.
小籠包: 皮太厚, 湯汁份量 ok, 不過唔多夠熱; 可幸豬肉餡料鮮甜.
煎窩貼: 食了隻一夾即「甩底」, 餡料一般鮮, 又無喱湯汁的, 同旺角店差得遠喎!
干煸四季豆: 唔算油, 四季豆夠嫩夠爽脆, 辣辣哋肉碎亦惹味, 呢個 ok.
咕嚕蝦仁: 粉漿幾厚, 可幸夠脆; 咕嚕汁幾杰, 酸甜味道平衡, 配上爽口河蝦, 都幾好食.
糖醋排骨: 排骨肉腍, 糖醋汁就極酸嗆, 夠晒開胃, 但酸得有點頂唔順...
片皮鴨 (半隻): 熱辣辣, 皮脆, 肉香亦算幾嫩; 薄餅皮夠薄, 奉上的青瓜及乾蔥份量夠, 配上濃甜烤鴨醬, 好食喎
三鮮炒年糕: 鑊氣夠, 夠熱, 年糕煙韌,「粗炒」汁夠味又唔會太鹹, 不錯.
見好似唔多夠食, 就起勢叫甜品:
杞子桂花糕: 無桂花香 / 味, 大家一致話「好清」...
酒釀丸子: 酒香夠, 丸子煙韌, 幾欣賞「湯底」無酸澀味, 不過愈食愈甜, 結果食唔晒.
另外仲有(唔夠分的)高力豆沙香蕉, 拔絲香蕉及擂沙湯丸, 唔知好唔好食?
食物不錯, 環境亦比旺角好好多, 雖然檯檯椅椅頗多, 但唔會有迫夾的感覺.
連加一每人約 $135, 幾抵食. 唔知中環店水準又如何?
張貼
