Boholic

營業中

休息中

餐廳：Boholic地點：長沙灣福華街菜式：多國菜餐牌：午餐餐牌有13款揀，有沙律，意粉，飯，漢堡，牛扒等等，非常多選擇，包是日餐湯同自家製酸種包，仲有水果茶，升級其他餐飲就半價。餐牌仲有甜品同小食等。是日餐湯係蘑菇忌廉湯，上面加左少少忌廉拉花。蘑菇忌廉湯飲落滑溜，忌廉唔會太多，唔膩。自家製酸種包烤得香脆，味道酸酸地。香煎挪威三文魚柳配法式香橙薑汁 $138 另加一香煎挪威三文魚柳唔算大或者厚肉，不過煎得脆皮香口，味道係好香鹽味，配另上既法式香橙薑汁簡直一流，個汁酸酸甜甜又帶薑味，好夾又開胃。伴有新薯一開二。蔬菜有意式黃瓜三片同車厘茄三粒，面頭再加上菜苗同洋蔥片。士多啤梨牛油果Smoothie 加$26 另加一士多啤梨牛油果Smoothie大大杯，係淡淡牛油果味加微微士多啤梨味，上面仲有大pat忌廉加士多啤梨果醬，仲有片薄荷葉，味道唔太甜。總括而言，今餐食物飲品唔錯。餐廳裝修走波希米亞風，選用白色為主調，裝修同室內掛飾都好靚，打卡都好正。