影片
更多
2024-01-26
152 瀏覽
📍TOKYOLIMA 🥢中環擺花街18-20號嘉寶商業大廈地舖-----一向都係Pirata group嘅Super Fans，呢間中環好出名嘅日式秘魯菜，係少有嘅一間我虎視眈眈咗好耐，但又未去過嘅Pirata旗下餐廳。一如佢其他旗下嘅餐廳，餐廳裝潢非常有設計感，有少少似佢另外一間印度餐廳Chaiwala嘅裝修風格，要先經過酒吧部份，再行到餐廳嘅用餐位置。😋Tasting Menu ($540/per head)-H&M2🐟所謂嘅H&M其實就係Hamachi & Maguro，油甘魚魚身油分非常高，鯛魚就相對清爽，加上質感比牛奶濃稠些許的酪漿（buttermilk)及檸檬、柑橘油等等，入口鮮甜非常。食之前侍應仲會噴上白樺樹香水，令客人獲得味覺體驗之前，嗅覺就先得以享受一番。-CEVICHE AROMATICO🌽呢道沙律同樣係以刺身為主角，裏面有鱸魚、牛油生菜、番薯、芫荽及脆粟米等等，混合自家調製嘅奶滑tiger‘s milk sauce，食落頗開胃，食之前同樣係會噴上香水，不過今次就係清新嘅檸檬香水，配搭返成個菜式嘅主題。-LA CAUSA🍤呢款日式大蝦天婦羅混合左傳統嘅秘魯菜特色，加
🥢中環擺花街18-20號嘉寶商業大廈地舖
-----
一向都係Pirata group嘅Super Fans，呢間中環好出名嘅日式秘魯菜，係少有嘅一間我虎視眈眈咗好耐，但又未去過嘅Pirata旗下餐廳。一如佢其他旗下嘅餐廳，餐廳裝潢非常有設計感，有少少似佢另外一間印度餐廳Chaiwala嘅裝修風格，要先經過酒吧部份，再行到餐廳嘅用餐位置。
😋Tasting Menu ($540/per head)
-H&M2🐟
所謂嘅H&M其實就係Hamachi & Maguro，油甘魚魚身油分非常高，鯛魚就相對清爽，加上質感比牛奶濃稠些許的酪漿（buttermilk)及檸檬、柑橘油等等，入口鮮甜非常。食之前侍應仲會噴上白樺樹香水，令客人獲得味覺體驗之前，嗅覺就先得以享受一番。
-CEVICHE AROMATICO🌽
呢道沙律同樣係以刺身為主角，裏面有鱸魚、牛油生菜、番薯、芫荽及脆粟米等等，混合自家調製嘅奶滑tiger‘s milk sauce，食落頗開胃，食之前同樣係會噴上香水，不過今次就係清新嘅檸檬香水，配搭返成個菜式嘅主題。
-LA CAUSA🍤
呢款日式大蝦天婦羅混合左傳統嘅秘魯菜特色，加入咗紅菜頭、大蝦他他、辣椒蛋黃醬同埋烤牛油果等等，貌相精緻之餘，味道亦同樣好有特色，酸酸甜甜中帶點辣。
-T-3 🥗
呢個係食落去有三種唔同質地嘅沙律，裏面嘅材料非常豐富，例如有南瓜、各式沙律菜、鵪鶉蛋、車厘茄、小茴香、杏仁同蔬菜脆條等。一堆搭配得別出心裁嘅食材，之前從來都未食過嘅配搭，入口卻是出奇地合拍及令人上癮。
-YAKI NASU 🍆
切成一半嚟烤嘅珍寶茄子，入口非常濕潤多汁，表面灑上以紅辣椒同蒜泥製成嘅哈里薩辣醬調味，加上脆粟米、芫荽同埋feta cheese等等，入口令人覺得滿足度唔輸食肉。
-ERYNGII MAKT
是晚嘅飛佛，材料望落其實一啲都唔複雜，但係用嘅材料都質素好好，牛油果🥑奶綠幼滑、烤帝王菇帶有香香甜甜嘅醬油香氣，加上味增南瓜泥、南瓜籽同青瓜絲，溫婉嘅味道配搭，令味蕾感覺好舒服。
-TACU TACU🧅
秘魯傳統嘅拌飯，糅合咗炒雪豆、洋蔥、紅黃彩椒等等，炒得乾爽唔油膩，食落有綿密嘅豆泥感之餘又帶有少許富咬口嘅顆粒感。
-GOD PACKAGE 🐟
用葉包上黎烤製嘅鱈魚卷，均勻受熱下令魚肉帶有慢煮嘅效果，質感分外嫩滑，加入鷹嘴豆泥及醃洋蔥調味，辣辣地有少少似咖喱魚嘅感覺。
-KUSHIYAKI 🍢
呢款傳統嘅法式燉菜味道亦不錯，調味唔會過於複雜，食嘅就係本身高質食材嘅新鮮味道，烤西葫蘆、茄子，加上酸味非常突出嘅番茄，香甜多汁，而且幾解膩。
-MY BANANA🍌
作為整餐嘅收結，份量感十足！焦糖香蕉搭配肉桂味嘅雪糕、加上粒粒烤蘋果及奶油糖漿，邪惡、濃郁之餘，亦甜得有層次感。
張貼
