影片
更多
2024-07-23
334 瀏覽
《A Lux - 中環》中環一向多西餐廳，好多時如果想試一啲比較高級嘅餐廳，我都會揀lunch time嘅時候去試，因為午市嘅價錢一般都比較化算啲但係又食到相同質素嘅食品，所以黎開中環，我都會試吓一啲平時唔捨得比太貴價錢去食嘅餐廳🥸今次就搵到一間可以比一個價錢free flow 任食前菜精美小點同手製麵包既A Lux 食個休閒午餐，lunch set 仲有welcome drink、自選配搭既手製意粉、Main dish、甜品及餐飲，人均都係$528😉聽落價錢雖然唔係特別平，但係可以任食精美嘅西式前菜已經抵返晒😙💁🏻♀️Antipasto呢個就係我話可以無限refill既西式前菜小食，除左有五款精美既前菜外，麵包都係任食架🤭牛角包好香好好味🥐如果你喜歡牛角包既話真係食十個都唔過份呀💙五款前菜分別有煙三文魚芝士卷、Parma Ham 哈密瓜米卷、蟹肉cherry tomato配水牛芝士沙律、鵝肝多士配蘋果蓉果Jam同埋意式菠菜蛋餅🥞我個人就最喜歡個鵝肝多士啦😉肝醬十分甘香，同蘋果醬既味道好合拍💁🏻♀️Live homemade pasta station食brunch set 既客人可以
中環一向多西餐廳，好多時如果想試一啲比較高級嘅餐廳，我都會揀lunch time嘅時候去試，因為午市嘅價錢一般都比較化算啲但係又食到相同質素嘅食品，所以黎開中環，我都會試吓一啲平時唔捨得比太貴價錢去食嘅餐廳🥸今次就搵到一間可以比一個價錢free flow 任食前菜精美小點同手製麵包既A Lux 食個休閒午餐，lunch set 仲有welcome drink、自選配搭既手製意粉、Main dish、甜品及餐飲，人均都係$528😉聽落價錢雖然唔係特別平，但係可以任食精美嘅西式前菜已經抵返晒😙
💁🏻♀️Antipasto呢個就係我話可以無限refill既西式前菜小食，除左有五款精美既前菜外，麵包都係任食架🤭牛角包好香好好味🥐如果你喜歡牛角包既話真係食十個都唔過份呀💙
五款前菜分別有煙三文魚芝士卷、Parma Ham 哈密瓜米卷、蟹肉cherry tomato配水牛芝士沙律、鵝肝多士配蘋果蓉果Jam同埋意式菠菜蛋餅🥞我個人就最喜歡個鵝肝多士啦😉肝醬十分甘香，同蘋果醬既味道好合拍
💁🏻♀️Live homemade pasta station
食brunch set 既客人可以自己於Pasta station 選擇適合自己口味既意粉，估唔到呢度會有我喜歡既Fileja意粉選擇，佢其實係用籤壓開麵團再卷成粉條，口感煙韌彈牙又掛汁，我就揀左Fileja配黑松露白汁，再放上芝士輪入面用白酒炒拌，意粉黐滿曬芝士同黑松露醬，炒完仲要喺我面前即刨新鮮黑松露片😍好奢侈既食法
💁🏻♀️Main course主菜方面我就揀左個Cod fish，佢既做法好特別，出面用左酥皮包住魚塊去焗，入面有菇菌醬調味，出面既醬汁用左貝類熬煮，食落多層次又幾香濃，外脆內嫩
而朋友主菜就揀左美國USDA prime牛柳，三成熟既口感咬落軟熟又重肉味，切落無血水，點少少鹽就已經好好味，點埋個紅蔥熬煮既醬汁😎更加特顯到牛肉既味道
💁🏻♀️甜品當日嘅甜品有兩款，我同朋友決定一人一款試齊佢🤓Smoked matcha lava tart 一上枱已經好靚，服務員喺我地面前掀開個蓋，啲煙燻味即刻出曬黎呀☺️抹茶流心撻好似心太軟咁一切流汁，熱熱既抹茶醬配埋雲尼拿雪糕，冰火交融既感覺十分奇妙💪食落唔算太甜，可以一試呢
而A Lux Colada 就係餐廳既signature 甜品之一，朱古力球入面填滿左椰子味既mousse，再夾埋酸酸甜甜既什莓，望落十分精緻，睇得又食得
食完甜品，每人都會有一杯餐飲，食飽飽飲番杯咖啡消消滯就最好不過呢
張貼
