凱施餅店 (已結業)

成日路過凱施見到只售$78既Brownie,雖然外表睇落好似好乾,但鍾意Brownie既我終於忍唔住試下......有驚喜喎!絕對唔似外表咁乾, 糕身黏實, 朱古力味都夠, 裡面有合桃,雖不及Mrs Field好食, 但平好多喎! 可以試下! 另外, 紅莓提子鬆餅都好味!只售$4.5 , 似食緊一個大既牛油脆曲奇!我最憎提子, 但都覺好味。希望日後會推出冇提子版本!凱斯既雲石芝士蛋糕(同樣$78)就麻麻地, 只有個面係雲石, 裡面係冇朱古力架!而且芝士蛋糕係充滿檸檬味,如果個名直接叫檸檬芝士蛋糕, 我會冇咁失望囉!