影片
更多
2018-09-19
1421 瀏覽
逢星期一晚依間餐廳都有買一送一優惠，所以我哋依班朋友都已經係依度食過好多次。麻煩嘅地方係，唔可以就咁order burger，一定要每人叫埋杯嘢飲，先可以有 buy 1 get 1 free burger。而佢啲嘢飲大部份都係偏甜，所以今次唯有叫壺 peppermint tea（值得一提嘅係佢竟然用凍水沖落個茶壺俾我，要我去問佢佢先話唔好意思，俾返壺熱茶我😅）我叫左個 cheese burger (medium rare) ，正路，味道不錯，啲肉唔會熟過龍，佢有加到caramelised onion，甜甜地，特別惹味，朋友話依隻醬係 Marks & Spencer 可以買到。仲有每次必叫既蕃薯薯條，佢配個隻醬好惹味，增肥之選。粟米少少辣，又係食左無數次了，必叫。Cesar salad 我地叫左將啲醬分開上，咁可以食少啲醬無咁肥，其實 burger 我地都好多時候會 order “on the plate”，走包，佢地會俾多啲 Salad 代替個包。無醬之下睇到個沙律真係唔太抵，啲菜其實唔算太新鮮，份量又少。最後，想講下依度 d waiters 成日都好懵，雖然佢地好 nice ，服務態
我叫左個 cheese burger (medium rare) ，正路，味道不錯，啲肉唔會熟過龍，佢有加到caramelised onion，甜甜地，特別惹味，朋友話依隻醬係 Marks & Spencer 可以買到。
仲有每次必叫既蕃薯薯條，佢配個隻醬好惹味，增肥之選。
粟米少少辣，又係食左無數次了，必叫。
Cesar salad 我地叫左將啲醬分開上，咁可以食少啲醬無咁肥，其實 burger 我地都好多時候會 order “on the plate”，走包，佢地會俾多啲 Salad 代替個包。無醬之下睇到個沙律真係唔太抵，啲菜其實唔算太新鮮，份量又少。
最後，想講下依度 d waiters 成日都好懵，雖然佢地好 nice ，服務態度好好， 但係就成日落錯單，已經指住個餐牌大聲講俾佢聽但係佢都落錯晒啲burger，嗌熱檸茶又黎左壺無檸檬既茶咁.... 不過我哋唔想浪費所以都費事換，但係差唔多我哋次次黎食都會有落錯單。同埋今次坐得近露台，幾個朋友都比野咬，好鬼痕，喺我地進食嘅時候亦都俾人進食緊
張貼
