影片
更多
2012-01-27
89 瀏覽
今日同同事到好耐冇去嘅sweet 19 lunch，餐牌只得牛仔腸同蟹肉意粉，兩款都係敏感人士忌食菜式，再冇其他野揀，覺得佢編排餐牌有D問題，同選擇太少。我哋一行三人，兩款菜都有點，份量比以前少咗好多，可能太耐冇去，而家物價又標升，所以覺得特別細碟，唔係好飽，而且質素一般。之後加咗兩個cake，要咗最出名嘅金字塔同另一個焦糖香梨蛋糕，兩款都好好食，可以一讚。不過餐廳兩個tom boy侍應就態度欠佳，問佢除咗set lunch外，有冇其他menu，佢好似唔想理你咁，好副氣咁答，冇架喎，然後走咗去。問佢有咩蛋糕揀，佢又好冷淡咁答你，我都唔知有咩喎，你自己去餅櫃睇喇!呢D咁嘅service，完全唔襯間cafe囉。佢主餐嘅野又唔係好食，只係個cake可以，服務又咁差，下次都要諗下係咪再去。如果只為食cake去，佢個cake set 都要成六十幾蚊，咁不如去酒店，起碼人地D服務都prof D 喇!
張貼