圍爐取暖

營業中

休息中

Camping愛好者在此👋🏻但係夏天太熱camping真係頂唔順，黎哩間camping主題打個爐爐過下癮先😂哩度個露營風真係做得幾細緻，周圍都係打卡位，一枱一椅都係露營用品，仲好乾淨👍🏻有個套餐做緊7折好抵，$680好多國食連埋個花膠雞鍋🫰🏻花膠雞鍋 （半隻）啖湯好鮮甜，而且飲落有種花膠湯既膠質感好濃厚，忍唔住飲左兩碗，但係要留番d精華黎打邊爐😋半隻雞份量足👍🏻安格斯牛小排碟牛色澤同脂肪分布都好靚，重牛香口感軟熟，係新鮮靚牛👍🏻中山脆肉鯇魚片大塊厚身，魚味鮮嫩口感爽脆，係新鮮既脆肉鯇先有既口感同味道。飲完啖雞湯，食完個牛同魚都已經知道哩間火鍋度既食材係有質素，唔馬虎👍🏻韭菜鮮肉餃自家既鮮肉餃，餡料飽滿。黑白無常黑色既係有墨汁，墨丸內有墨丸粒口感，不錯。另外仲有枝竹，蔬菜，菇菇同埋水晶粉，食到哩度已經好飽，真係好豐富，哩個價堅抵食! 而且環境氣氛真係令人有種chill住打邊爐既感覺，好過癮👍🏻值得一試。