鍋 (已結業)

之前成日去大角咀都發現有好多美食😍 去開奧運站就順路去下大角咀搵食啦🥰 經過呢間餐廳，見到充滿露營風，感覺環境都幾靚，就去試吓啦💕辣花蟹湯鍋+拉麵🍜 花蟹好新鮮，係每日新鮮入貨🥰入面有年糕、金菇、翠玉瓜及冬菇等等材料✨ 湯底香辣得來帶有鮮甜味～牛肉石鍋拌飯石鍋係熱辣辣咁送上嚟，仲有「治治」聲，等一陣先再拌開就有飯焦🥰 拌飯又唔同新鮮蔬菜，趁熱食真係一流👍🏻好有風味💕炸雞見到炸雞好吸引，兩個人又驚食唔晒，就叫咗半份😆炸雞皮薄肉嫩，仲有多汁💕 調味剛好，就咁食已經好味，加埋甜辣醬更惹味👍🏻飲品叫咗清爽嘅柚子茶& 造型好別緻嘅藍莓牛奶沙冰✨ 牛奶味好香濃，藍莓酸甜醒胃～食辣鍋必叫✨