影片
更多
2013-08-24
655 瀏覽
是晚同客戶以及巴西同事晚飯，客戶是意大利人，亦是第一次嚟香港，同事又不是所有中國菜都啱吃，橫豎佢地想到蘭桂坊一遊，所以就嚟到這家 il Posto 97吃意菜。因為大隻佬巴西同事愛牛扒，所以我都問定呢度有冇扒鋸，以備佢選擇。訂左晚上8:15，初時以為都多人，怕會好嘈難傾計，但去到時餐廳冇乜人，好多吉枱，可能 Happy Friday 啲人寧願齋隊唔食飯啦！同店員打個招呼後便馬上入座，我地被安排到餐廳最埋邊既大枱，(其實係由4張2人枱拼合而成)，客戶選了窗口位置，由於我老闆未到，所以我都坐喺窗邊招呼客人。先點 Sparkling Water及汽水俾巴西同事及客人飲，跟住店員就奉上麵包籃，有香脆餅乾條同薄片﹑香草麵包同法包，正。冇耐老闆同同事都嚟到，於是我地開埋紅酒，並請風趣既Cold哥嚟幫我地定菜單了。頭盤唔多，只點了4款共6碟，分別係 Caesar Salad, Green Salad, Pan Fried Scallops, Foie Gras.Caesar Salad：有別於一般既凱撒沙律，佢個 sauce有魚既成份，所以對唔食魚既我嚟講有點腥。Green Salad：好清既雜菜沙
訂左晚上8:15，初時以為都多人，怕會好嘈難傾計，但去到時餐廳冇乜人，好多吉枱，可能 Happy Friday 啲人寧願齋隊唔食飯啦！同店員打個招呼後便馬上入座，我地被安排到餐廳最埋邊既大枱，(其實係由4張2人枱拼合而成)，客戶選了窗口位置，由於我老闆未到，所以我都坐喺窗邊招呼客人。先點 Sparkling Water及汽水俾巴西同事及客人飲，跟住店員就奉上麵包籃，有香脆餅乾條同薄片﹑香草麵包同法包，正。冇耐老闆同同事都嚟到，於是我地開埋紅酒，並請風趣既Cold哥嚟幫我地定菜單了。
頭盤唔多，只點了4款共6碟，分別係 Caesar Salad, Green Salad, Pan Fried Scallops, Foie Gras.
Caesar Salad：有別於一般既凱撒沙律，佢個 sauce有魚既成份，所以對唔食魚既我嚟講有點腥。
Green Salad：好清既雜菜沙律，只有橄欖油﹑鹽同少少醋調味。
Pan Fried Scallops：大粒有如北海道帶子，好厚肉，鮮甜，煎得剛好，偏食既巴西同事都話好味！
Foie Gras：同事見到時嘩左一聲，好好食咁，我自己則冇試！
前菜吃得八八九九，係時候上主菜，總共有6款，意粉﹑薄餅同肉類皆有，好豐富，一時唔記得叫餐廳慢慢上菜，結果食得有點趕，以及食物凍左影響口感，不過整體味道唔錯，詳細如下：
Wagyu Bolognese- 三位外籍朋友都選這個，個人認為其實係高級一點既肉醬意粉吧！牛味好濃，但食落去覺得意粉腍左啲。
Cavatelli- 這個是店既 Signature Dish，Pasta 係自家特製，幼小如手指尾大小，配料是野雞肉，有肉臊味，所以廚師用芝士稍為蓋其肉味，都幾得意既，但唔係 Cold 哥講到咁好味囉！(都可能係因為凍左啦！)
Lobster Spaghetti- 一般做法，先用龍蝦殼熬湯，再加龍蝦肉同蕃茄汁煮，味道唔錯，不過我唔係試好多，食到茄汁味多過龍蝦味呀！
Quattro Formaggi- 我至愛既四色芝士薄餅，芝士控嘛，唔駛講咁多，總之好味啦！
Rib Eye- 有牛味﹑火候剛好，所以切開後肉芯係嫩紅色，很美！(餐廳細心地事先幫忙把肉切開，以便我們容易分吃了。)
Pigeon- 炆乳鴿，跟肉眼扒一樣，都有炒薯仔雜瓜作配菜，跟其醬汁同吃味道更佳。
雖然我地食得有點飽(其實好夠飽)，但冇理由唔試埋甜品架！有成6﹑7款，早知留肚試多兩款甜品啦！好彩份量唔算大，我地一人都吃一客，不過大家點既款式唔多，有清新消膩既 Lemon Tart配雪芭，超 Heavy 及濃既Hot Chocolate Foam with Chocolate Brownie and Coconut/ Vanila Gelato，還有最後一款係Hazelnut Cake with Hazelnut Gelato，三款無論賣相同食味都好。
整體來講，除左食物味道唔錯，餐廳環境都好舒服，唔會好侷促，店員好有禮貌亦樂意幫忙發辦點菜，其中店經理梁小姐同Cold 哥最幫得手，無論自己人定客人都食得好開心呢！值得再嚟呀！
題外話/補充資料：
由８月開始逄星期二有芝士配酒既自助餐，＄２５０加一，約六﹑七款芝士，好想試呀！
(以上食評乃用戶個人意見 , 並不代表OpenRice之觀點。)
張貼
