The Pantry Club

營業中

休息中

啟德零售館有間新開Cafe，近宋皇臺地鐵站，交通尚算方便，主打多款西式料理，前菜、主食、甜點、飲品，打卡able又好味。店內環境唔大，座位闊落，座位之間有適當距離，唔會聽到旁邊講嘢，而且勝在有個大大塊落地玻璃正對住運動場，感覺好正，幾適合約閨蜜聚餐享受豐富美食。前菜有沙津同番茄湯，沙律調味酸酸甜甜好開胃，搭配西芹、堅果、莓等特色配料，增添口感、湯頭濃郁，值得一試。主食有漢堡，口味幸眾多，要咗牛肉蘑菇洋蔥芝士同煎雞扒牛油果醬及酸忌廉芝士，包皮鬆軟，層次感豐富，旁邊搭配脆身薯條，份量多，適合分享。烤三文魚柳香噴噴，外皮薄身且脆，肉質滑溜，帶淡淡魚香氣，配上檸檬牛油醬更開胃。下面有軟滑薯蓉同蔬菜，整體搭配清新又健康。另外私心推介美式班戟配煙肉，賣相吸睛，Pancake有四大片，薄切帶香氣，食落唔膩，煙肉鹹香，連同蜜糖好好味。甜點有窩夫，冰火效果，窩夫夠脆，配埋雲尼拿雪糕簡直係Perfect Match。