影片
更多
2020-08-29
302 瀏覽
男人要求今日呢間要打先! 但容我先講段故...話說第三波前，有日我地去長洲，計岩時間想食佢，點知佢地個日貼紙仔無開... 上星期話補完習去食，但見佢fb開1500，我地去左IFC涼左陣冷氣，第二次拜訪，去到都係無人，fb無講 (年紀大，睇fb多過ig)，等多左陣，心血來潮睇佢地ig先知原來疫情期間，weekend唔開... 啊~ 但我地只有weekend先去到，於是... 我就message問啦～ confirm左佢地唔開，不過都明，大家少左出去食，仲要weekend... 相信好多餐廳會選擇關門，真心明白，燈油火蠟人工樣樣都要錢，而我相信最重要既係要準備食材，當佢fd底唔出糧，食材都唔等得啦！ 但最估唔到既係... 佢地記得我呢個傻婆，岩岩星期三主動message我話今日開! 嘩~ 小民受寵若驚!點都要即刻去啦！今日我1450左右去到，男人架車遲左仲要落錯車，我就打機慢慢等~ 點知過左1500都未見人，開始擔心... 怕男人黎到又失望(因為比較鍾意食burger個個係佢)... 係報告前我message冇人應突然間醒起佢俾過個電話我，我就好無禮咁打去問... 好在只係Chef Kob
話說第三波前，有日我地去長洲，計岩時間想食佢，點知佢地個日貼紙仔無開... 上星期話補完習去食，但見佢fb開1500，我地去左IFC涼左陣冷氣，第二次拜訪，去到都係無人，fb無講 (年紀大，睇fb多過ig)，等多左陣，心血來潮睇佢地ig先知原來疫情期間，weekend唔開... 啊~ 但我地只有weekend先去到，於是... 我就message問啦～ confirm左佢地唔開，不過都明，大家少左出去食，仲要weekend... 相信好多餐廳會選擇關門，真心明白，燈油火蠟人工樣樣都要錢，而我相信最重要既係要準備食材，當佢fd底唔出糧，食材都唔等得啦！ 但最估唔到既係... 佢地記得我呢個傻婆，岩岩星期三主動message我話今日開! 嘩~ 小民受寵若驚!點都要即刻去啦！
今日我1450左右去到，男人架車遲左仲要落錯車，我就打機慢慢等~ 點知過左1500都未見人，開始擔心... 怕男人黎到又失望(因為比較鍾意食burger個個係佢)... 係報告前我message冇人應突然間醒起佢俾過個電話我，我就好無禮咁打去問... 好在只係Chef Kobe買野遲左，咁就得啦~
入正題! Btw, 型仔Chef Kobe (真心覺得型! 大家行過可以去偷窺下，當然最好幫襯埋啦！)主動問要唔要幫我地開2，實在係太細心了!
Got Crab 有蟹 $98 個餐
拿 ~ 呢個堅好食! 佢係真蟹肉整出黎既! 點解咁肯定，因為除左我為食就係因為我食到個小蟹殼，我又唔覺得好大件事，但如果可以小心尐就會更好(可能因為我昨晚自己整既paella都有少少，所以明白)~
Got Beef 有牛 $98個餐
你問我，我會揀蟹，因為呢個肉食得出係新鮮同靚肉，唔係99的漢堡扒，不過可以落多兩粒鹽同黑椒俾多少少味. 如果佢就咁一個扒係夠味既，但因為有菜同蕃茄溝淡左，fresh左，所以個肉食到鮮味但唔夠蟹咁突出
Got Fingers 有指 +$10 由薯條轉"有指"
呢個都好食! 佢個魚手指係幾實，唔會一咬就散哂咁，最開心係佢refill我地個醬啊~ 以我同男人呢尐可以飲既死變態黎講，真係好鬼開心!
薯條
朋友，呢隻薯條先係薯條麻! 好食到呢... 然後好驚喜既係，佢地送多左份俾我地啊！天啊~ 如果唔係天氣熱食唔落咁多野，我同男人應該會爭住食XD
Got Shrooms 有菇 $48
呢個後加既... 我呢...都爭扎左一陣，因為都怕食唔哂，但男人話go! 咁就當然go啦！我地開頭諗係大啡菇個隻，點知當黎... E!? 喂!? 一粒粒既... 原來係蘑菇炸架! 呢個有驚喜，好彩叫左啫XD 不過我地都覺得配茄汁唔多夾，我食左幾粒，就覺得可以試下用Gravy配，應該會夾尐同幾好食!
BTW, 多謝Chef kobe放第一樣野落黎個時，好貼心咁俾埋濕紙巾! 同埋呢... 唔好意思，我估同我吹水既係腦細，但我打呢篇野先發現我無問佢大名，只記得佢同我講Chef KobeXD
真心，好食! 男人未食完已經話要翻兜，落車仲叫我打尖寫呢篇先，我估... 我地會好快再食! 另外有朋友講樓下間串燒既燒雞皮好好食(我唔食，但叫左男人試幾次都話要留肚食burger)~ 如果行開，就去支持下啦！
張貼
