影片
更多
2024-02-27
1046 瀏覽
今日搵食搵到將軍澳南嘅DHYC Dimsum ，DHYC意思姐係夠鐘飲茶。餐廳裝修佈置比較新式，同酒樓或者其他點心店唔同，坐位比較闊落而且坐得比較舒適。餐廳望向將軍澳跨灣大橋，環境幽靜又夠chill，可以望住個夜景食點心。叫得夠鐘飲茶，當然講講佢啲茶先。餐廳以細細壺嘅茶壺上茶，可以自己加水，細細壺可以保持住水溫，唔怕好似一大壺茶飲到一半就凍晒。鐵觀音($9/每位) 佢呢到茶葉好靚，鐵觀音茶葉完全無苦澀味，飲落好好香好順口，飲完個人好舒服，超推薦。餐廳主打傳統同新派點心，點心即叫即蒸，仲有好多傳統同新派家鄉功夫菜。今次叫左幾款試下，全部都好正。蒜蓉粉絲蒸鮮魷($48)鮮魷爽口彈牙，而且充滿蒜香，墊底嘅粉絲吸收鮮魷同蒜蓉嘅精華，超惹味。鵪鶉蛋松露燒賣（$55）鵪鶉蛋燒賣係一款傳統點心，DHYC將佢同黑松露結合埋一齊。豬肉嘅油香混合埋黑松露嘅香氣同鵪鶉蛋鮮嫩嘅口感，食完一啲油膩感都無，而且口感豐富。焗叉燒包($38)叉燒包用酥皮焗成，入口香脆鬆軟。叉燒同叉燒醬汁亦配合得好好，唔會太甜。最重要新鮮出焗，熱辣辣勁好食。蟹肉大良炒鮮奶（$148）呢道功夫菜，好考廚司功力。鮮奶炒得好滑，唔怕散晒，
叫得夠鐘飲茶，當然講講佢啲茶先。餐廳以細細壺嘅茶壺上茶，可以自己加水，細細壺可以保持住水溫，唔怕好似一大壺茶飲到一半就凍晒。
鐵觀音($9/每位)
佢呢到茶葉好靚，鐵觀音茶葉完全無苦澀味，飲落好好香好順口，飲完個人好舒服，超推薦。
餐廳主打傳統同新派點心，點心即叫即蒸，仲有好多傳統同新派家鄉功夫菜。今次叫左幾款試下，全部都好正。
蒜蓉粉絲蒸鮮魷($48)
鮮魷爽口彈牙，而且充滿蒜香，墊底嘅粉絲吸收鮮魷同蒜蓉嘅精華，超惹味。
蒜蓉粉絲蒸鮮魷
32 瀏覽
0 讚好
0 留言
鵪鶉蛋松露燒賣（$55）
鵪鶉蛋燒賣係一款傳統點心，DHYC將佢同黑松露結合埋一齊。豬肉嘅油香混合埋黑松露嘅香氣同鵪鶉蛋鮮嫩嘅口感，食完一啲油膩感都無，而且口感豐富。
鵪鶉蛋松露燒賣
32 瀏覽
0 讚好
0 留言
焗叉燒包($38)
叉燒包用酥皮焗成，入口香脆鬆軟。叉燒同叉燒醬汁亦配合得好好，唔會太甜。最重要新鮮出焗，熱辣辣勁好食。
焗叉燒包
34 瀏覽
0 讚好
0 留言
焗叉燒包
19 瀏覽
0 讚好
0 留言
呢道功夫菜，好考廚司功力。鮮奶炒得好滑，唔怕散晒，而且好多蟹肉，配埋鎮江醋，真係以為自己食緊賽螃蟹，但食落又無賽螃蟹咁油膩，同埋多左一份牛奶香味。好一款新舊融合嘅菜式。
蟹肉大良炒鮮奶
14 瀏覽
0 讚好
0 留言
櫻花蝦家鄉煮米粉 （$148）
湯底完全無味精，簡簡單單連埋豬肉絲、娃娃菜，櫻花蝦同冬菇絲，將最普通嘅米粉帶到另一個層次，味道好鮮甜。
櫻花蝦家鄉煮米粉
16 瀏覽
0 讚好
0 留言
櫻花蝦家鄉煮米粉
6 瀏覽
0 讚好
0 留言
餐廳每款出品都非常有心思，特別鵪鶉蛋松露燒賣及蟹肉大良炒鮮奶，有新意之餘又不失傳統風味，配合埋優美景色，下次可以再翻兜黎試埋其他點心。
張貼
