Puppuccino (已結業)

今日收工嚟咗依間餐廳食dinner. 依度分室內外座位，環境好chill，仲係寵物友善餐廳，吸引咗唔少狗主幫襯。餐廳入面亦都有啲水耕嘅菜，幾新奇。食沙律嘅話即食即摘應該都幾新鮮。Menu餐廳走fusion路線，中西合璧。先叫咗一個開胃前菜。麻辣涼拌皮蛋豆腐 ($88)豆腐上面淋左啲麻辣醬同埋芝麻醬，口味幾特別。豆腐冰冰涼涼，食落好舒服開胃。上面嘅沙律菜新鮮。廣東牛坑腩意大利煲仔飯 ($168)雖然意大利飯就唔係好似平日煲仔飯有飯焦咁樣，純粹只係意大利飯裝咗落個煲仔度，但都幾有創意。意大利飯煮得啱啱好，唔會太硬太軟。肉類就分別有牛腩同埋牛筋，好明顯食得出有花椒嘅味道。