影片
更多
2023-10-04
156 瀏覽
灣仔出名多好嘢食❤️所以約咗人食飯，基本上去灣仔就大把選擇我早排就同男朋友行過星街月街嗰邊見到TMK Rap & Rolls個門面好chill🥂就決定要試試佢喇😍~一入到去個環境就有少少八十年代嘅嘻哈感~mix咗少少現代感元素，成個感覺幾chill，啱晒放工去同朋友飲返杯或者食嘢一睇menu，見到好多創意嘅西日食材配搭，忍唔住叫多少少嚟試試🙈🤣食到好飽.我哋就叫咗：🔥 Edamame同埋🔥TMK kimchi salad分別係辣辣哋嘅枝豆同埋泡菜沙律，泡菜配上mayo我都係第一次試，混合椰菜、甘筍絲食都戈好食，好有爽脆口感，係兩道幾開胃嘅餐前小食🔥TMK Hamachi-呢款油甘魚配上柚子醋同埋藜麥脆脆，中間夾有薄片墨西哥辣椒~口感同埋味道都好豐富，油甘魚本身肉質食落油分較重同埋爽口，同清新嘅柚子醋一齊食感覺好似更加提升佢嘅味道🔥Miso eggplant-呢款係我哋最欣賞，平時我唔太鍾意食茄子，但係呢款茄子面頭係炸過，脆脆哋得嚟個中心係軟，配埋面頭嘅Miso調味，好好味，同平時食開只係軟爛嘅茄子好唔同，口感層次更分明🔥The Korean Karaage-呢款係經典韓式炸雞，落咗豐富醬
所以約咗人食飯，基本上去灣仔就大把選擇
我早排就同男朋友行過星街月街嗰邊
見到TMK Rap & Rolls個門面好chill🥂
就決定要試試佢喇😍~
一入到去個環境就有少少八十年代嘅嘻哈感~mix咗少少現代感元素，成個感覺幾chill，啱晒放工去同朋友飲返杯或者食嘢
一睇menu，見到好多創意嘅西日食材配搭，忍唔住叫多少少嚟試試🙈🤣食到好飽
.
我哋就叫咗：
🔥 Edamame同埋🔥TMK kimchi salad
分別係辣辣哋嘅枝豆同埋泡菜沙律，泡菜配上mayo我都係第一次試，混合椰菜、甘筍絲食都戈好食，好有爽脆口感，係兩道幾開胃嘅餐前小食
🔥TMK Hamachi-
呢款油甘魚配上柚子醋同埋藜麥脆脆，中間夾有薄片墨西哥辣椒~口感同埋味道都好豐富，油甘魚本身肉質食落油分較重同埋爽口，同清新嘅柚子醋一齊食感覺好似更加提升佢嘅味道
🔥Miso eggplant-
呢款係我哋最欣賞，平時我唔太鍾意食茄子，但係呢款茄子面頭係炸過，脆脆哋得嚟個中心係軟，配埋面頭嘅Miso調味，好好味，同平時食開只係軟爛嘅茄子好唔同，口感層次更分明
🔥The Korean Karaage-
呢款係經典韓式炸雞，落咗豐富醬料，有苦椒醬、甜辣醬同埋蜜糖，好惹味
🔥Salmon avocado-
呢個係脆炸飯團，外脆內軟嘅口感，如果醬料再多啲可以on side就更好，始終炸物類平時都係襯多醬食😋.
🔥Threesome-
呢款係由3種魚刺身：三文魚、吞拿魚同埋油甘魚製作而成嘅炸卷物，面頭有大量炸乾蔥頭，而中間係軟滑嘅魚刺身加牛油果，辣醬配蛋黃醬嘅配搭令卷物更出色
🔥Chicken-Ta-Da-
呢款用咗炸餃子皮做底嘅多士，餡料有salsa雞，而醬料有咖喱蛋黃醬同埋牛油果醬，
我個人覺得係一款幾正嘅佐酒小食
🔥Chocomonaka-
呢款甜品個樣好吸引，好似個貝殼嘅外型，入面裝住幼滑嘅朱古力mousse，面頭有少少可可米脆脆，店員教我哋將佢夾埋食，好似食緊漢堡包咁大啖咬落去，濃郁奶味嘅朱古力mousse喺口入面充斥，唔會太甜，好好味😍
.
整體嚟講，呢度嘅嘢食質素唔錯，卷物嚟講餡料好豐富，而且食材配搭上幾有創意，有驚喜，不過菜式多辣口味，唔太食得辣嘅記得睇清楚menu啊❤️
張貼
