Project B (已結業)

我又出左深水埗布街行下，睇下有咩新花款布同配件啱襯，咁行完就緊係食埋午餐先啦，就係咁…. 上星期就誤打誤撞入左去 Project B 食左個好味又CHILL嘅午餐~其實我都係因為望入去見到個環境好舒服，而且最鐘意佢個樓底高，坐係度都冇壓迫感，食都舒𣈱啲嘛~Lunch Set先嚟個「粟米忌廉湯」同「蔓越莓汁 」，第一次飲蔓越莓汁又覺得幾好，酸酸甜甜咁唔錯~主菜就係「帶子龍利柳配香草忌廉汁薯菜」，完全冇諗過朧利柳會份量會咁大，而且煎得香之餘又唔會太乾，加埋個香草忌廉汁一齊食係好夾哦~最後，明明都已經飽飽地，但見到隔離枱食碟甜品咁靚，攪到又好想食喎，所以就跟風叫左朱古力布朗尼配雜莓雪糕。單睇賣相已經好吸引，布朗尼個朱古力味勁濃郁，而且口感鬆軟，絕對係有驚喜呀~