凱施餅店 (已結業)

呢間餐廳佈置同裝飾都好休閒同簡約，種感覺好舒服。餐廳環境寧靜，適合聚餐同chill！餐牌既種類都幾多，有海鮮、all-day breakfast 、pizza ～過嚟食既時侯咁啱下午茶有套餐，又唔算好餓。而且見下午餐同好抵食，就試一試 😉 Tea set價錢介乎$28-50，仲有好多選擇。呢個係煙三文魚田園沙律，配意大利汁，非常醒胃！煙三文魚薄薄既煙香，魚肉有彈性，口感肥美。第二個set係香煎豬扒漢堡配薯條，$10加配埋咖啡，好抵！都juicy而且入口鬆化。兩碟既薯條都唔錯！外脆內軟，熱辣辣！咬開嘅時候仲出緊煙！而且唔油膩！吉列魚柳漢堡呢個係我個人覺得好味又抵食！金黃色脆皮，魚柳咬落嫩滑仲keep住熱辣辣！最後都講一講呢個焦糖牛奶咖啡(熱)，都算正常，但唔太啱我口味，同平時飲到既唔一樣。可能係唔夠甜，而且焦糖牛奶同咖啡好似分開咗咁 ，所以呢個咖啡係麻麻的。但整體而言，食物同環境都幾好！