影片
更多
2023-02-11
26 瀏覽
西環高街呢到，成條街嘅餐廳裝修都好靚好chill，咁啱見到呢間食韓國嘢，環境有feel嘢食又唔算貴，即刻試吓佢！餐廳好似酒吧嘅裝修，主打蛋捲、炸雞嗰啲韓式料理，仲有提供韓式燒酒嘅Cocktail，啱晒同朋友慢慢食慢慢吹水！佢嘅炸雞整得幾出色，環境都好值回票價，絕對值得一試！平日夜晚去都座無虛席，想試嘅記得要book定位！------------------------------◖韓國飯糰◗ $68有八個小飯糰，細細粒咁好可愛！飯糰裏面有啲魚籽，咬落少少脆口有口感，帶好香芝麻味，幾好食！ ◖芝士蛋捲◗ $74蛋捲面頭有啲沙律醬同茄汁，酸酸地咁幾開胃，但芝士嘅份量略嫌有啲唔夠，而且蛋捲冇咩蛋香味，整體上比較淡味～ ◖一半一半 - 去骨雞+甜辣雞◗ $218有四款雞可以選擇，大部份細份都有。今次揀咗一半一半，即係有兩款炸雞細份裝，可以一次過試晒兩種炸雞！佢個去骨雞有炸年糕炸餃子同埋去骨雞，醬料可以揀辣椒/田園沙律醬/芥辣/醬油大蒜。去骨雞揀咗醬油大蒜，蒜味幾濃，但醬料唔夠多，識落相對上會淡口啲，半碟有幾舊炸年糕同炸餃子，幾鍾意佢個炸年糕，煙煙韌韌咁～甜辣雞醬汁底正常，揀咗有骨嘅雞
------------------------------
◖韓國飯糰◗ $68
有八個小飯糰，細細粒咁好可愛！飯糰裏面有啲魚籽，咬落少少脆口有口感，帶好香芝麻味，幾好食！
◖芝士蛋捲◗ $74
蛋捲面頭有啲沙律醬同茄汁，酸酸地咁幾開胃，但芝士嘅份量略嫌有啲唔夠，而且蛋捲冇咩蛋香味，整體上比較淡味～
◖一半一半 - 去骨雞+甜辣雞◗ $218
有四款雞可以選擇，大部份細份都有。今次揀咗一半一半，即係有兩款炸雞細份裝，可以一次過試晒兩種炸雞！佢個去骨雞有炸年糕炸餃子同埋去骨雞，醬料可以揀辣椒/田園沙律醬/芥辣/醬油大蒜。去骨雞揀咗醬油大蒜，蒜味幾濃，但醬料唔夠多，識落相對上會淡口啲，半碟有幾舊炸年糕同炸餃子，幾鍾意佢個炸年糕，煙煙韌韌咁～甜辣雞醬汁底正常，揀咗有骨嘅雞，裏面啲雞肉好鮮嫩多汁，外皮香脆，炸到有少少鱗片嘅感覺，炸得幾出色，又脆又嫩滑！
◖SOJU-KULT◗ $55
呢杯Cocktail用燒酒+益力多+七星汽水溝出嚟，甜甜地咁，酒味會相對濃啲～
◖BUSAN PINEAPPLE EXPRESS◗ $49
裏面有菠蘿燒酒、菠蘿汁同薄荷，果味好香，唔太飲得出有酒精成份，幾好飲！
🌟Encore指數：8.5/10
張貼
