Wins Goodies (已結業)

難得一日見完客，同佢經過元朗，就泊低架車落地抖抖。想飲杯咖啡同坐得舒服，佢門口幾靚，之前經過都想試好耐，見難得入到黎，啲牛角包又咁吸引，於是就入去試一試佢啦。因為平日嘅下午，間餐廳冇咩人，老闆好好招呼。下午茶老闆推介牛角包set加杯咖啡，想試開心果牛角包，老闆仲話入面有啲類似吉士嘅餡，即刻諗都唔洗諗就揀左。黎到個包已經烘到熱熱地，散發住陣陣香味好吸引！食落外面少少脆，入面嘅餡唔多，有少少dry,好彩佢味道唔錯，唔會好甜，但有開心果味。我見普通牛角包set係跟一球雪糕架，如果呢個餐都可以跟埋就完滿喇！