Attic Handmade Pasta (已結業)

Attic handmade pasta在尖沙咀金馬倫道initial對面，樓底夠高令到氣場氛圍唔錯！餐廳最近推出左份5 course dinner set, 都幾唔錯！手工麵包夠鬆軟香脆！芝麻味好香又脆身，之後有個蟹肉撻，味道幾香牛油香，口感層次幾鬆化，再有蟹肉做 topping, 效果唔錯幾好食，又唔會過膩！日式醬油漬溏心蛋黃多士，有魚子做 topping, 更帶鮮香！ 醬油漬溏心蛋幾香甜，配上脆身多士，感覺非常新穎，一食難忘！金蠔意大利飯，蠔肉味道非常甘甜而且煎香，感覺就飲蜜糖外層包圍住隻蠔，蠔肉都幾飽滿，咸香味道和下層既creamy口感既risotto帶出對比！ 相輔相成！口感一流， 而且risotto質地做得幾好，有咬口又夠實在！法國樣無骨燒春雞，燒春雞餡料內有薯蓉，但唔會有膩感， 雞肉非常鬆軟而且唔乾身仲好juicy, 再加有羊肚菌汁醬，味道更升一層，好滿足。甜品伯爵茶奶凍做得非常非常出色，唔會死甜！茶味夠香，質地又夠滑非常好食，整體幾好食！正呀