影片
更多
2023-09-21
60 瀏覽
朋友介紹咗一間日式Fusion居酒屋比我，第一次黎食黑木亭係一間樓上鋪來的，唔講都唔覺原來有間餐廳。由門口上樓都有不少裝飾，都感受得到係一間有心思的食店。晚上7點左右，唔算好多人，而且空間足夠，都幾啱同朋友傾計。望完餐牌我地叫咗4款野食：😋😋松露野菌牡犡有個買一送一嘅優惠就叫左個155mm珍寶牡犡。佢本身有三隻味分別係赤面豉，北海燒同埋黑松露牛油野菌。我地揀咗黑松露味～黑松露味非常濃配上野菌本身已經係絕配，加埋蠔的鮮味，簡直無得頂！可以一試！😋😋😋😋炸蔥吞拿魚蓉鮟鰊魚肝卷：呢個卷物唔可以同平時嘅卷物相比，因為佢係2XL size起碼! 最加分係佢配咗炸香咗嘅蔥絲簡直係將成個卷物提升咗😍吞拿魚蓉分量非常之多再加上魚肝，根本無辦法可以一次過食哂所有野，呢個一定要試😋😋😋A5和牛海膽芝士牛角包牛角包賣相非常吸睛，對我黎講重點係海膽，海膽絕不孤寒啖啖都食到海膽，仲要非常鮮甜，配上A5和牛，口感好豐富。重點仲有黑松露同三文魚子，成個擺盤都好靚啱哂打卡。😋😋😋石燒厚切和牛：唔駛講和牛本身就已經好好味，肉質鬆化，加上平均嘅牛花入口即溶，我同朋友分別食唔同嘅熟度，石燒就啱哂喇，加熱到自己想食嘅程度就可
由門口上樓都有不少裝飾，都感受得到係一間有心思的食店。
晚上7點左右，唔算好多人，而且空間足夠，都幾啱同朋友傾計。
望完餐牌我地叫咗4款野食：
😋😋松露野菌牡犡
有個買一送一嘅優惠就叫左個155mm珍寶牡犡。佢本身有三隻味分別係赤面豉，北海燒同埋黑松露牛油野菌。我地揀咗黑松露味～黑松露味非常濃配上野菌本身已經係絕配，加埋蠔的鮮味，簡直無得頂！可以一試！
😋😋😋😋炸蔥吞拿魚蓉鮟鰊魚肝卷：
呢個卷物唔可以同平時嘅卷物相比，因為佢係2XL size起碼! 最加分係佢配咗炸香咗嘅蔥絲簡直係將成個卷物提升咗😍
吞拿魚蓉分量非常之多再加上魚肝，根本無辦法可以一次過食哂所有野，呢個一定要試
😋😋😋A5和牛海膽芝士牛角包
牛角包賣相非常吸睛，對我黎講重點係海膽，海膽絕不孤寒啖啖都食到海膽，仲要非常鮮甜，配上A5和牛，口感好豐富。重點仲有黑松露同三文魚子，成個擺盤都好靚啱哂打卡。
😋😋😋石燒厚切和牛：
唔駛講和牛本身就已經好好味，肉質鬆化，加上平均嘅牛花入口即溶，我同朋友分別食唔同嘅熟度，石燒就啱哂喇，加熱到自己想食嘅程度就可以了。不過呢個分量如果可以再多啲就好喇😍😍
另外叫咗兩杯打卡一流嘅飲品，分別係綠茶鮮奶熊脆脆及藍蝶花佛手柑熊茶。一上枱，二話不說相機食先，飲品有少少偏甜！不過整體係滿意的。
位於尖沙咀又唔駛點等位又有高質食物，仲可以講咩？！😂 可以再來吧！
張貼
