Padstow Restaurant & Bar (已結業)

今日幫襯呢間位於西貢白沙灣的精緻藍色小餐廳，Chill返個下午。佢嘅野食比想像中平，基本上大部份都係100中未到200蚊。我叫咗個Full English All Day Breakfast，份量其實比我想像中少，不過好彩樣樣野食嘅味道都ok。入面有兩條香腸，係炸嘅而唔係煎嘅，有一件細嘅大啡菇，一塊薄切嘅ham(唔係平時粉紅色嗰啲火腿)，有煎蛋，有一片英式內臟腸，當然唔少得茄汁焗豆啦，另外再配多塊麵包，塊麵包係乾身嘅，好有當年去英國倫敦d cheap cheap B&B嘅感覺。飲品就叫咗Corona，塞粒青檸落去，正。