Joō de Rolls (已結業)

之前睇戲嘅時候都知道有哩間餐廳， 今日收咗工就同朋友嚟到尖沙咀食飯， 可能因為未到甜品時間， 餐廳都冇咩人。churros係西班牙出名既小食， 一般係點糖咁食 ，而 呢間餐廳就用咗唔同方法去整 ，所以我地好快就揀咗兩款心急想試。分別係All day breakfast 同Churros Tapas。首先嚟嘅係all day breakfast，2件Churros 代替咗平時嘅麵包， 其他配料都差唔多， 都係腸仔煙肉蕃茄蛋等等， 以哩個價錢哩個分量我覺得有點偏貴， 不過味道就當然冇咩問題， 因為都係傳統嘅整法， 所以一定唔會出事， 不過我驚喜就欠奉囉。 個人就認為份量可以加大番少少，起碼比人感覺抵食啲。第二款就係Churros tapas。 揀呢款嘅原因係因為太多隻味都想試， 所以直接揀個咩味都有嘅嚟食。 佢主要有四個味道， 最近嘅係士多啤梨， 佢喺churros外面加咗士多啤梨味嘅 朱古力，食落感覺似pocky，個人覺得味道都唔錯。 第二款係海鹽肉桂， 我自己就最鍾意呢款， 因為我本身鐘意肉桂味， 而且我覺得個玉桂味同churros好夾。 第三款就係綠茶味， 整法同士多啤梨味嘅差唔多，