Joō de Rolls (已結業)

因為本身好鐘意食Churros，知道The One開左間專食Churros既即刻去食。點知，未食好期待，食左都幾失望。晚餐時叫左個All Day Breakfast，上到黎第一時間食左件Churro先，雖然上面冇玉桂粉又冇沙糖，但本身都係外脆內軟好好食既，只不過食其他就...個蛋軟滑但唔夠香，冇味。蕃茄煮得剛好，但係本身唔甜唔緊要，你眼見就得咁多香料，連香味都冇，其實加少少水牛芝士會成個唔同晒，所以又係冇味。煙肉冇問題，到個腸，完全係...平價貨既感覺...不提也罷。值得一讚是個佔左隻碟一半既沙律菜，還算新鮮，而且每一層都淋左適量既芝麻醬，均勻又好味。成碟野，睇得出廚師係用心的，就是食材不怎麼樣。跟餐有飲品，草莓紅茶幾香，個雪糕幾靚，但草莓Churro同綠茶雪糕唔多夾，可能因為我自己唔鐘意食綠茶掛。埋單加埋一$130，其實唔貴，但整體感覺麻麻地，只為食Churros先好去食。

衝著小甜甜而來吃下午茶的，可惜以小甜甜為主題的期間限定已過，願望落空店內裝修高雅，下午茶時段人客不多，能靜享午後時光。除了甜品churros外，還有咖啡飲品和鹹點供應。點了Lemon curd churros $78churros即點即炸，排列成花瓣狀，賣相清新可愛先嚐嚐中間的Lemon curd，檸檬味突出不會一味酸，質感像sour cream。Churros炸得很脆偏硬，但略嫌麵糰部份太少，感覺不夠實在。建議和三五知己share這個甜點，因為一人獨力完成實在有點膩。😅

上兩個月前, 約了一班朋友行街食飯,在尖沙咀的 The One 商場行了很久, 於是看看商場指示牌,  大家七嘴八舌後, 因為女人十個有八個都怕肥,想食少少嘢醫醫肚便算了. 於是................Joo de Rolls 雖然很大, 但可惜他們用了差不多1/3做了BAR及開放式廚房位,  CAFE 以 L 字形, 設置客人坐位, 枱以白灰色雲石枱,藍色梳化, 和有些貓頭的攬枕, 簡直適合晒一般少女的心!( 好喜歡他們牆上的照片, 給人專業的感覺!)MENU 很特別!看完MENU 後, 知道原來他們主打西班牙Churros的日式cafe, 咖喱蛋飯, 竹炭漢堡及肉丸等的日式Cafe.當日剛剛新推出了晚市套餐, 在尖沙咀來說, 又確實很平宜啊!我叫了Joo de Rolls 凱撒沙律--$78原來西班牙Churros 即是西班牙油炸鬼,右手邊的兩條炸物便是了, 味道是甜甜的, 口感因是剛剛炸出來的,故較脆口, 但應該它比油炸鬼的麵粉較多,故脆口得來帶點點硬, 就如吃著甜味的油炸鬼了!都挺飽肚的.有一塊切開了的雞扒, 味道不錯.另外, 在生菜上放了一些炸了的煙肉粒和一些硬身的芝

係the one 行街， 無意間俾我哋發現左呢間充滿少女心嘅Cafe，就決定入去tea 😝😝餐廳係用小甜甜為主題，成間店都好 可愛，餐廳嘅食物主要係食churro ，同埋好多特色飲品。我哋每人點左1份甜品，及一杯飲品，我點的是candy churros combo and yellow ballon: 西班牙嘅油炸鬼配上香芋雪糕，香芋令到成個甜品冇咁流 ❤️❤️Yellow ballon是芒果乳酪，酸酸甜甜好啱夏天，夠smooth 好朋友點的是Kyoho special and fruit churros bar with ice cream. 就係將西班牙油炸鬼切開一半加上吉士同水果再配雲呢拿雪糕,如果鍾意吃甜的可以一試,我自己就覺得雪糕甜左少少 chorros就岩岩好👏🏻👏🏻Kyoho special是巨峰提子特飲，不過不失，外面加了一層棉花糖,很快溶掉，很黏手😞😞我們在另外叫多了一份 fruit de parfait 粉紅控最愛嘅草莓churros ,再配上雲呢拿雪糕，賣相好可愛，好啱我呢啲鐘意相機食先😂😂建議減低少少甜道🤗🤗

一個人，隨便吃。亂逛到The One，難得這𥚃有位不用等，即決無慮，就這樣吧。菜式選擇不多，大部分是簡餐，主打以churros為主的甜點，份量比較輕盈，男士絕對不夠吃。看了又看，大概只有all day breakfast 能填飽肚子(指我自己啦）哎喲，不錯啊。份量剛剛好不會太膩。最怕吃太撑，下午茶時段打瞌睡可痛苦了。Flat White 。真的是my cup of coffee 👍，連喝兩杯 ！！簡單的一頓午飯，沒有嘈吵的聊天食客，覺得挺愜意啊。如果想找一家安靜舒適的cafe，不管是自己一個人看看書寫寫文，還是跟朋友邊聊邊下午茶，或逛累了嗎？ 嗯，這裡是不錯的選擇。

1️⃣Candy Churros Combo🍆$88 評分: 7/10 churros即叫即炸，有3條，外邊脆身，帶肉桂香🤤旁邊係香芋雪糕，芋頭味好重，點雪糕還不錯 2️⃣Fruit de Parfait🍓$88 評分: 6.5/10 芭菲杯！上面有一條草莓朱古力Churros，有層朱古力係面，食落更香甜😍增下邊係雲尼拿雪糕，夠滑身 3️⃣Fruit Churros Bar with icecream🍇$78 評分: 6/10 比較細份，中間係忌廉同生果，旁邊另配雲尼拿雪糕🤤上面淋左士多啤梨醬，但甜得濟喔

我試過西班牙相類美食，在The ONE見到呢個甜點自然衝入去食，即使價錢貴，$88 +10% 服務費，我都衝入去試一次，點知，燶左！我用刀切又切唔開，底部硬呱呱，咬落去底部唔鬆軟而且仲好硬，我嘗試跟女職員反映，可惜佢表示沒有問題，這樣質素食品$40都嫌貴，沒有下次😨

年初時看賀年節目，絕大部份堪輿學家都說來年我這生肖的人運程大好，除要注意一下爛桃花外，整體該是順利豐盛。大半年過去，身邊的人分手的分手，偶人不淑的偶人不淑，還有親人患病離開，沒有最傷只有更傷。 同是天涯淪落人，是晚好友說想吃西班牙油炸鬼做甜點，來到近乎香港唯一以Churros打正旗號的Joō de Rolls嚐新去。餐廳近來和小甜甜大玩cross-over，店內有不少卡通裝飾，最頂癮是牆上那超巨型水汪汪大眼睛，實行「望」著你進食，失去了的少女心也拾回不少。 French Toast $88入座時見鄰座桌上的看似美味，想也不想立即跟機來一碟。一客六大粒的多士堆成一座小山丘，伴上少許鮮果，上面還有超大陀鮮忌廉，挺吸引。多士外面裹滿了一層厚厚的蛋白霜，質感軟綿綿如布甸，有蛋香，不知為何幾乎吃不到麵包，蘸上楓糖漿很膩很胖但味美，可是多吃會滯。 Churros Combo $88三條Churros外層裹滿玉桂糖，大愛此物的我吃第一口時覺得異常幸福，可惜之後越吃越油膩，質感亦不多像樣，一般般，而伴在旁的香芋味雪糕有點像在東南亞旅遊時吃到的，個人認為配Churros不算夾，單獨來說好友則頗

每逢晚飯後與友總是依依不捨，我估計也是想逗留多一會兒似的，飯後甜品完全是女仕們必然之選。 位於尖沙咀The One 的商場，不同的甜品店進駐；是夜決意選擇Joo De Rolls，原因是有好少女味道既裝修，還有很多童年回憶，「小忌廉」！ 打開餐牌，色彩繽紛簡直為少女們而設點了兩款甜品及一款飲品，又可以吃著甜品懷緬往事。 首先到來Churros 係西班牙既食物，甜甜的帶有肉桂味，有點像冬甩，雪糕選擇左香芋味道，軟雪糕滑滑的，香芋味顯著不太甜將整個甜品立即昇華。 另一款點左Fruit Churros Bar with ice-cream，其實與Candy Churros 差不多，不過佢d生果好鮮甜，而個雪糕選擇左士多啤梨味，有果肉在內添加不同口感！ Yellow Ballon是芒果乳酪沙冰，有小忌廉既牌仔非常可愛！芒果味打至鮮甜，乳酪既酸度令到有種夏日快感，沙冰打得幼細而且一粒冰塊也沒有不俗。

身為五十嵐優美子的忠實擁躉， 一知道有屬於她作品的主題餐廳 ， 就是沒有不去朝聖的理由。當一步入這餐廳的門口， 心情已經很興奮。 慶幸當時店內還未有太多的顧客， 沒有給自己一點猶豫的時間，拿著手機就不停的拍攝店內所有展示著作品的角落。。。忙完拍照後， 心情還未能完全平復， 因為還要選菜式。這店掛帥的是Churros，所以我們點了Churros Dog - 其實味道和一般Hot Dog沒有太大的分別， 只是用Churros取代了麵包， Churros吃下去除了外脆內軟的感覺外， 似乎是沒有什麼特別味道的。Chips with Cheese - 可取的地方是剛炸好便送來了， 熱烘烘的炸薯條加上芝士與煙肉粒，絕對是不會不好吃的。Kyoto Special - 其實即巨峰提子特飲， 除了賣相吸引外， 整體上沒有什麼特別之處。Fruit de Parfait - 賣相不用多說了， 雪糕加上鮮果粒配以草莓味的Churros, 甜味的Churros又是另一種感覺， 只是草莓糖略甜了一點。另一個是跟set的甜品， 肉桂味的Churros加雪糕， 這剛炸好的churros份外鬆脆，加上芳香的肉桂糖口味，

尖沙咀好吃的可真多，选了个人最少的，但是居然叶等了足足一个小时！这家餐厅很小，有些位置延伸到店外，我个人不是很喜欢这样，感觉外面都是顾客在逛街，然后你坐在旁边吃饭…额…有点尴尬…饥肠辘辘的我选了看起来最快的食物，然后的确，很快就上饭了，但是！这个饮品，我要点评一下…名字叫做“strawberry&champagne”，我以为是酒精饮料—当然，我没看到大标题写着“tea selection”, 然后我很期待的尝了第一口…额，很苦，没有草莓的味道，很糟糕的选择。可能爱tea的人会非常喜欢这款饮品吧，除了苦，倒是挺清淡，适合下午茶，不适合这个肉丸蛋包饭…用餐环境还可以，价格，这个似乎在尖沙咀也就都是这样吧。希望下次可以遇到好吃的店

記得5月黎食過甜品，印象唔錯。上網睇到換左做小甜甜作主題，朋友又拉左我去食下午茶喇! 餐廳全換上小甜甜既佈置，喜歡小甜甜既朋友仔一定會中意～～ Candy Churros Combo $88 佢地既甜品主打就係Churros，所以今次都有叫左黎食。西班牙油條配上紫色既香芋雪糕～就算油條沾滿砂糖，都唔會太甜，口感鬆脆可口，而且新鮮炸起唔油膩。 上面插著個小甜甜既紙牌。 香芋味雪糕香滑，油條沾上更好吃～ Fruit Churros Bar $78 呢款係牛奶雪糕加士多啤莉醬，同埋水果忌廉Churros。 Churros夾著忌廉同水果，Churros外脆內軟。都係一個新穎既食法。 Fruit de Parfait $88 水果芭菲配油條，芭菲係用左士多啤莉、桃、雪糕同忌廉等配料而成，外型吸精！Churros插係雪糕入面，前面有都小甜甜既小紙牌。 呢款Churros冇沾上砂糖，反而沾上士多啤莉朱古力醬，味道就較特別～小小不足既地方就係雪糕好快溶，食得比較急呢！ Yellow Ballon $68 飲品賣相精美，仲有棉花糖係杯邊做陪襯，如果飲品都有棉花糖食就好喇。 芒果

雖然談不上係小甜甜fans，但難得有小甜甜主題食物，點都要去朝聖下。星期一的下午，人不算多，但成間餐廳都彌漫著甜甜的氣味。 牆上幅畫好少少風，一入門口就見到。成間店都係粉紅色。餐牌餐花，都好貫徹主題。難怪都不少甜甜迷黎朝聖。 餐飲先黎左Yellow Balloon和Iced lavender tea。兩者杯邊都有棉花糖作裝飾。Yellow Ballon係芒果沙冰，質地打得幾幼滑，唔太甜。薰衣草茶就淡淡薰衣草味，沒有甜味，飲落透心涼。先來個Candy churros combo，粉紫色的雪糕好靚，旁邊是2條炸得香脆的churros。Churros灑上了砂糖，以增加口感，然而我覺得如果沒有砂糖會更好，因為這樣便不會太甜。 Fruit churros bar with ice cream係將churros切開，放上忌廉和生果，造型係好靚，因為顏色配搭好繽紛。士多啤梨、蜜桃、藍莓，帶點酸甜，又混著忌廉的幼滑。一口churros一口雪糕，是邪惡之極的享受。閒日的下午，可以咁從容不迫地食住咁少女風的甜品，拋開工作的煩惱，找回了一點點童年的回憶。

老婆是小甜甜的粉絲。他告訴我第一部接觸的漫畫就是姑姐家中的小甜甜。所以當尖沙咀Joo de Roll 以五十嵐優美子為主題時, 就拉了我去朝聖.一去到就有很大個紙牌放在門口, 內部也有很多作品。感覺很少女夢幻。主食餐牌都是小甜甜。 drink list 的生果上畫了很多閃亮亮的眼晴, 蠻有喜感的。我們倆都是第一次光顧, 主食不知要點什麼好。 但我怕甜, 就點了個雪糕為主的fruit de parfait。老婆愛玉桂, 點了個玉桂味的Churros。再加點了一個有吉士有水果的Fruit Churros Bar with ice cream。等了好一會飲品到了。我叫了杯yellow balloon。味道跟外面餐廳的芒果奶類凍飲差不多, 不過他勝在夠香而不太甜。杯邊有棉花糖圍住, 這主意不錯. 棉花糖看上去有點像團煙霧, 為飲品營做了個夢幻的感覺。Ice Lavender Tea 也非常精美, 一樣是有棉花糖. 茶味道有點點不自然. 不過薰衣草的味道本來就是這樣.主食大概等了20分鐘才來. 沒想到份量蠻大份的. 我的fruit de parfait真的是滿滿的雪糕. 中間有新鮮的士多啤梨.

相信漫畫家五十嵐優美子筆下的小甜甜是不少人的童年回憶，最近主打墨西哥油炸鬼的Joo de Rolls 推出小甜甜的主題食物，當然吸引到不少人去朝聖。早前經過門口已經留意到環境佈置是走甜美可愛風格，與小甜甜開朗活潑的個性十分相襯。門面擺放了小甜甜和男角的紙牌，可供食客影相留念。晚市定食＄98起，留意餐廳設有最低消費，用餐時間是個半鐘。除甜品外，也有咸食：奄列、芝士雞、熱狗、肉丸、法式多士、芝士薯條、竹炭漢堡包和全日早餐。Fruit de parfait $88雪糕有兩個口味，上層是士多啤梨，下層是芒果，還有不少果肉，食起來甜甜地幾好味。Candy churros combo $88紫薯雪糕伴兩條墨西哥油炸鬼，份量宜兩個分享，而且一條沾有不少糖粒，怕甜的人可能會覺得有點膩。Fruit churros bar $78可能剛才拍照時間有點長，墨西哥油炸鬼的熱度隨時間流逝，反倒品嚐這客油炸條時會有微溫，香脆感十足！但士多啤梨有點酸，這方面有點失色！芒果smoothie $68呢個奶昔口感好幼滑，啖啖芒果肉，又夠冰凍清甜！每款甜品均有小甜甜的味道，因為會伴有插畫，邊食邊會想起漫畫的劇情，讓人食得十