Le Salon De Thé de Joël Robuchon

營業中

休息中

之前一直想買cinnamon ring，上兩個禮拜weekday 3點鐘黎到話賣晒，店員話呢個係熱賣麵包, 要3-4日前訂。呢次朝早已經預早少少打去問有冇，唸住打定輸數，得知仲有好少量，即刻留左個！其實我唔鍾意食肉桂，唯一鍾意係以前美國食嘅Cinnabon，熱辣辣出爐好好食👍🏻 不過屋企有個肉桂怪，成個月前話想食cinnamon ring, 所以就專登買比佢食！Cinnamon ring 好香,一開個盒已經聞到肉桂味,上面有一層令立立嘅糖漿,睇起上嚟好靚,肉桂怪見到即刻嘩一聲!食完飯都忍唔住食左1/8個,食落真係幾好味,雖然我麻麻地肉桂，但係都覺得Ok。肉桂怪話超好食！麵包甜度同埋濕度都啱啱好，裡面仲有我鍾意嘅碧根果，好食！個cinnamon ring 其實都幾大，4-5個人食就差唔多，價錢$120個。店員話都可以食到兩日，如果唔係就浪費喇。