影片
更多
2021-05-25
639 瀏覽
我喱個中國胃始終都係鍾意食中菜，不過中菜由細食到大少不免冇乜新鮮感！好彩有老婆大人成日煮好多正嘢比我食，我梗係要發掘啲好煮意過佢參考吓啦，好似今次就見到會展嘅中庭有個新經典套餐，啲菜式幾特別咁就即刻同佢去吃個豐富嘅晏仔先。足足有8道菜都只係508蚊一位(兩位起)晏晝同夜晚都有得食，夜晚仲有8折優惠太過抵食喇！話咁快第一味菜上枱係一碟三味嘅鹽焗鮮鮑魚、走地醉雞同埋涼拌蜜荳蟲草花。喱個走地醉雞好食喎！雞肉好鬼滑醉汁香得嚟唔會俗，加埋啲脆口嘅日本漬籮蔔一齊食好過癮。跟住到嘆喱隻鹽焗鮮鮑魚好鬼煙韌陣陣咸香越𡁻越好味，仲有隔籬嗰個脆卜卜嘅涼拌蜜荳蟲草花啱晒我咀型。然後到飲靚湯嘅時候，咦點解冇湯嘅原來喱個螺片白玉紅菜湯係上枱之後先加湯，咁就保證飲到熱辣辣嘅正湯啦！倒入紅卜卜鮮甜冇腥味嘅紅菜湯入放有紅菜頭白蘿蔔同螺片嘅碗裡面，白雪即刻被染紅又得睇又好味道係有心思嘅！飲完靚湯做乜鬼上份西菜？唏原來係西樣中味嘅荷香富貴鴿，用酥皮包住新鮮嘅荷葉嚟煮乳鴿又幾有諗頭喎！一人份都分到半隻荷香富貴鴿，焗得幾入味仲有鮑汁煮過嘅雲南頭菜同冬菇，食落鴿肉入味香甜確係正嘅。跟住神神祕祕推嚟兩個竹篾又係什麼葫蘆賣什麼藥！原
足足有8道菜都只係508蚊一位(兩位起)晏晝同夜晚都有得食，夜晚仲有8折優惠太過抵食喇！話咁快第一味菜上枱係一碟三味嘅鹽焗鮮鮑魚、走地醉雞同埋涼拌蜜荳蟲草花。
喱個走地醉雞好食喎！雞肉好鬼滑醉汁香得嚟唔會俗，加埋啲脆口嘅日本漬籮蔔一齊食好過癮。
跟住到嘆喱隻鹽焗鮮鮑魚好鬼煙韌陣陣咸香越𡁻越好味，仲有隔籬嗰個脆卜卜嘅涼拌蜜荳蟲草花啱晒我咀型。
然後到飲靚湯嘅時候，咦點解冇湯嘅原來喱個螺片白玉紅菜湯係上枱之後先加湯，咁就保證飲到熱辣辣嘅正湯啦！
倒入紅卜卜鮮甜冇腥味嘅紅菜湯入放有紅菜頭白蘿蔔同螺片嘅碗裡面，白雪即刻被染紅又得睇又好味道係有心思嘅！
飲完靚湯做乜鬼上份西菜？唏原來係西樣中味嘅荷香富貴鴿，用酥皮包住新鮮嘅荷葉嚟煮乳鴿又幾有諗頭喎！
一人份都分到半隻荷香富貴鴿，焗得幾入味仲有鮑汁煮過嘅雲南頭菜同冬菇，食落鴿肉入味香甜確係正嘅。
跟住神神祕祕推嚟兩個竹篾又係什麼葫蘆賣什麼藥！原來喱個係香蔥烤油甘魚鮫中日混血Feel好重啫。
揭開竹篾撥走葱段露出了香噴噴嘅油甘魚鮫，仲有老婆大人最鍾意嘅酸薑一見到開心到佢呢。
油甘魚鮫啖啖肉加上魚油夠多係肥美嘅，怕魚味太勁咪好似我咁加啲青檸汁食攪掂，咪話我唔提醒大家啲葱都係好嘢嚟唔食就嘥晒。
食到喱個moment係時候清吓條脷！喱個羊肚菌竹笙卷素千層點睇呢！
我就睇好喱個羊肚菌竹笙卷素千層喇！因為連食肉獸嘅我都好like呀！用上湯煮過嘅素材全部都好鬼入味勁香甜，嗰件羊肚菌好爽好香仲有件好索嘅素千層都係勁吸引，但最正一定係竹笙食落嗦嗦聲嘅竹笙入面仲釀咗好多什菌，加埋又香又甜嘅上湯好味到冇朋友。
以為邪惡將結束咪天真啦！緊接有宇宙最邪惡的慢煮豚肉腩，咪睇佢四四方方細細粒呀真係好有爆炸力架。
睇吓佢層次幾咁分明師傅用咗唔少時間慢煮先可以做到喱個效果，食落去真係入口即溶又鬆化味道當然good啦濃得嚟唔太漏真係想撈個白飯食呀。
唔叫白飯係因為我仲有一加大半碗嘅手切牛崧黑松露炒飯，點解多咗大半碗咪要多謝老婆大人賞賜我囉！好彩我喱個黒洞難船仲有三斤釘唔係流架，最緊要係好味清晒一加大半碗冇難度啦！
甜品有喱個好靚仔嘅合桃布甸拼黑糖桂圓紅棗餅，撞鬼吖中式甜品可以整到咁靚啱晒老婆大人個相機。
中庭 The Atrium Chinese Restaurant
地址：灣仔港灣道1號香港會議展覽中心1樓
電話號碼：25827332
張貼
