影片
更多
2022-11-06
88 瀏覽
唔知你記唔記得我曾經介紹過呢間coffee or tea？個間環境完全唔似係觀塘嘅cafe，坐係餐廳外邊位置真心有個舒適感，好有外國風情。佢地推出左新餐單a new chapter。脆脆公司三文治、鴛鴦蛋蛋蛋治、西炒意大利飯、鐵板牛柳河粉、炒貴刁，菠蘿油，相信全部都係你耳熟能詳嘅食物，但係你睇相你完全諗唔到呢間茶餐廳可以將呢啲食物玩到咁靚，基本上都係女士最愛的打卡感覺，最重要係觀塘完全冇呢類嘅餐廳，就算你係外區人，見到呢啲食物相都會特登過嚟打卡。由於個人太貪心嘅關係，嗰日基本上試咗大部份新menu嘅食物，我自己最鍾意西炒飯，嗰個番茄造型已經一絕，再加埋用上意大利米炒嘅飯，口感同平時嘅西炒飯真係冇乜大分別，另外一個番茄包住嘅係滑滑嘅蛋炒蝦仁。你以為得個靚字？黑色嘅粉末原來係低溫焗爐整咗一晚嘅新鮮番茄加黑水欖磨成粉，唔聽佢哋介紹，真係唔知原來咁講究。第二最愛一定係呢個蛋治，同我最愛嘅六本木咖啡個樣差唔多，好日式feel，有齊煎、焗、蒸、煮四種方法，日本雞蛋，中間分別夾著厚玉子燒和焗蛋白，加上低溫慢煮的蛋漿，同先蒸後焗的鹹蛋黃，個口味都幾好。另一個快捷嘅選擇一定係公司三文治，但係呢個公司三文
唔知你記唔記得我曾經介紹過呢間coffee or tea？個間環境完全唔似係觀塘嘅cafe，坐係餐廳外邊位置真心有個舒適感，好有外國風情。
佢地推出左新餐單a new chapter。脆脆公司三文治、鴛鴦蛋蛋蛋治、西炒意大利飯、鐵板牛柳河粉、炒貴刁，菠蘿油，相信全部都係你耳熟能詳嘅食物，但係你睇相你完全諗唔到呢間茶餐廳可以將呢啲食物玩到咁靚，基本上都係女士最愛的打卡感覺，最重要係觀塘完全冇呢類嘅餐廳，就算你係外區人，見到呢啲食物相都會特登過嚟打卡。
由於個人太貪心嘅關係，嗰日基本上試咗大部份新menu嘅食物，我自己最鍾意西炒飯，嗰個番茄造型已經一絕，再加埋用上意大利米炒嘅飯，口感同平時嘅西炒飯真係冇乜大分別，另外一個番茄包住嘅係滑滑嘅蛋炒蝦仁。你以為得個靚字？黑色嘅粉末原來係低溫焗爐整咗一晚嘅新鮮番茄加黑水欖磨成粉，唔聽佢哋介紹，真係唔知原來咁講究。
第二最愛一定係呢個蛋治，同我最愛嘅六本木咖啡個樣差唔多，好日式feel，有齊煎、焗、蒸、煮四種方法，日本雞蛋，中間分別夾著厚玉子燒和焗蛋白，加上低溫慢煮的蛋漿，同先蒸後焗的鹹蛋黃，個口味都幾好。
另一個快捷嘅選擇一定係公司三文治，但係呢個公司三文治唔係用麵包包住個餡料，反而係用米紙。蛋、火腿、煙肉、蕃茄，加上車打芝士增添香氣，水牛芝士就拉絲效果，外表焗炸腐皮，自家醬汁強有日式鰻魚汁香，口感好特別。
之後佢兩個主食，一個係炒貴刁一個係鐵板牛柳絲炒河。炒貴刁用上係水晶粉和粉皮，咖喱就有用提子油、蘋果、洋蔥、香茅等整出黎，加上白蝦仁，下層係韭黃、芽菜及火腿製成芙蓉蛋餅，靚得黎又好食。
乾炒牛河個感覺又係搶眼，鐵板上當然鑊氣夠，個燒牛柳係最好食，加上炒銀芽、韭黃和洋蔥，又係以粉皮代替河粉，加左日本蛋皮捲起來，個醬油絕對同你食過嘅唔同，唔油而又好食。
菠蘿的海當然係菠蘿油，底層光酥餅對比平時嘅分別脆得多加上厚切菲律賓菠蘿，仲有菠蘿果醬煨煮 3 分半鐘，飽個皮雖然唔係熱辣辣，但傳統菠蘿包皮加左法國發酵牛油及風乾菠蘿片，你淨係見到嗰個複雜性你大概都估到間餐廳係幾講究。
飲品佢就冇新貨，都係果幾杯打卡野，基本上，為咗新餐單都已經值得再黎。
張貼
