Cova Ristorante & Caffe (已結業)

經常自己會穿過世貿中心個時，都會經過呢間Cova，咁正常都會留意一下佢個櫥窗，平時見到佢既蛋糕都幾靚，但次次都係經過，就無入去試，亦都從未入過去入面坐。就趁前幾日難得，要在附近等一位朋友，所以就變左去嘆番個下午茶。第一次入去坐，入到去先知原來咁細地方，但我都明白係銅鑼灣係寸金尺土，所以都見怪不怪，雖然地方比較細但裝潢都不馬虎。入左去坐之後，當然就要order下cake啦。我就order左blueberry cheesecake，姐係藍莓芝士蛋糕。佢既藍莓唔酸又唔會太甜，岩岩好，我自己認真佢個芝士味若果更加濃郁少少會更好，佢個餅底都算做得幾鬆脆。整體黎講，都不錯。係呢度食個下午茶，都係一個稍作歇息既好地方，食物質素當然無得同高級酒店既比較，但要係銅鑼灣有個地方坐下，食下cake，而且質素不錯既，黎呢到都是不錯的選擇。