影片
更多
2022-07-28
408 瀏覽
米線關注組又出動，知道哩間人氣店一定大排長龍，所以由六點幾開始打電話叫外賣📞，但打左二十分鐘都無人聽，就直接踩過去！岩岩好七點到達成功落Order，店員話會等有啲耐，問佢幾耐佢就話半個鐘⏱，無問題我地行住等。點知一等就等到七點五十八分先有得拎，期間有問過一次既，佢就話張單底都見唔到，真係好無奈😅。講返食物先…豬軟骨･腩肉小鍋米線(中小辣) $54雖然過左二十分鐘返屋企，但都仲熱既。就咁睇就相當油，厚厚既紅油遮哂啲米線🍜。唔知係咪夜晚又水尾關係，餸菜同米線份量都唔係好多，豬軟骨有三小舊，腩肉🐷完整得三小片，其他都碎濕濕☹️，芽菜仲多過米線。湯底係甜甜地，酸味都算明顯，但辣🌶既後勁好犀利，鼻水都出埋黎。腩肉偏肥，但好入味。豬軟骨都係肥膏位多，而且唔係好淋。蘿蔔･豬大腸･豬紅小鍋米線(中小辣) $62朋友就略嫌豬大腸🐷切得太幼太碎，無左口感又難夾🥢。蘿蔔有兩大舊，都算清甜。豬紅就不過不失，有五舊完整既。對我黎講，我覺得試一次就夠，除非經過附近，又有返堂食喇😅。
豬軟骨･腩肉小鍋米線(中小辣) $54
雖然過左二十分鐘返屋企，但都仲熱既。就咁睇就相當油，厚厚既紅油遮哂啲米線🍜。唔知係咪夜晚又水尾關係，餸菜同米線份量都唔係好多，豬軟骨有三小舊，腩肉🐷完整得三小片，其他都碎濕濕☹️，芽菜仲多過米線。湯底係甜甜地，酸味都算明顯，但辣🌶既後勁好犀利，鼻水都出埋黎。腩肉偏肥，但好入味。豬軟骨都係肥膏位多，而且唔係好淋。
蘿蔔･豬大腸･豬紅小鍋米線(中小辣) $62
朋友就略嫌豬大腸🐷切得太幼太碎，無左口感又難夾🥢。蘿蔔有兩大舊，都算清甜。豬紅就不過不失，有五舊完整既。
對我黎講，我覺得試一次就夠，除非經過附近，又有返堂食喇😅。
張貼
