星怡

營業中

休息中

早幾日上網訂位，星期日中午一點到達 ，餐廳大約六成滿，我哋被安排室內中間枱位置， 餐廳裝修有啲殘舊，地板笠黐黐🤢， 好有星馬亞熱帶feel。我哋7位大人一位小朋友，用QR code點餐，我哋嗌咗 4個午餐 : 肉骨茶，海南雞飯，比目魚飯， 肉醬意粉，午餐包一杯嘢飲(有啲特飲要加錢 8蚊至12蚊不等)。 另小菜有馬拉盞炒通菜(有啲辣)， 仲有蛋黃炸魚皮， 烤原條墨魚筒，蝦釀油條，串燒(6條)。 最惹味係個 蛋黃魚皮，夠脆口夠薄，另外肉骨茶個湯底 胡椒味重。最後order咗兩個甜品 : 班蘭咖央多士 &雪糕窩夫， 甜品真係即嗌即整😅，我哋等咗20分鐘🫣， toast 內裏嘅牛油上到嚟餐枱都仲係喺凍硬🤣🤣🤣。全張單930幾蚊，性價比算尚可吧。