德美壽司

營業中

休息中

充滿居酒屋氣氛嘅門面已經吸引到我，睇返門口嘅餐牌，覺得價錢合理，就立即衝咗入去😬QR code落單，方便快捷！三文魚壽司~同朋友都係三文魚控，第一件事當然要點三文魚壽司！三文魚嘅質素唔錯，紋理清晰，顏色鮮豔！牛油果軟殼蟹卷~上枱一刻有啲被佢嘅賣相驚艷到，軟殼蟹炸到非常酥脆，再配搭其他材料被壽司飯包住，之後再用大量嘅蟹籽放面，口感極度豐富！北海道帶子甜蝦魚生片丼~刺身每一片都非常新鮮兼厚切，麵豉湯熱夠曬熱同時唔會死咸，沙律菜亦發揮到前菜嘅功能，酸酸嘅醬汁令人開胃。野菜牛肉鍋~每一件牛肉都肥瘦相間，夠曬牛味，除咗野菜之外，亦有粉絲墊底，非常飽肚！最後，亦有送上甜品係雲呢拿味嘅糯米糍。