鮨燐

營業中

休息中

朋友係美國返嚟，指定要食日本菜，就㨂咗間地點方便，尖沙咀港鐵站一出就到的餐廳食廚師發辦。一人一個13件壽司加一件手卷set，每件都有不同的醬汁配合不同魚生，突出鮮味和口感，所以每一口的味道是獨特，並不單調。還送上自家製梅酒。最最最驚喜是埋單時見到有折，兩個人的賬單大約$1,000左右，以廚師發辦的級數，今餐係完全超值。餐廳環境舒適，bar坐得舒服，正前方就可以見壽司師傅處理魚生壽司，又可以直接溝通和了解一下時令食材，亦好細心留意我地的需要，好似要小飯同走Wasabi。仲發現咗呢間餐廳仲有兩個房，坐到6-8人，下次可以包場。離開餐廳時見到有個季節限定的蟹宴，有情人節優惠，朋友話返美國前要再嚟食。