銘陽車仔麵 (已搬遷) 新店位置

前幾日在荃灣食左個車仔麵，滷味湯底入味，令人印象深刻。茶餐廳格局，裝修算新正。價錢合理，自己揀野食，選擇搭配花多眼亂。沙茶醬好特別，不會太咸，濃厚的香味十分惹味！我地揀左河粉，魚皮餃，墨魚丸，陳皮魚蛋。陳皮魚蛋好特別，陳皮的果皮香味更帶出魚蛋的香味，彈牙結實。魚皮餃大大粒，好滿足！牛腩入味，肥瘦適中，很惹味。燒雞翼金黃色雞皮，雞肉鮮嫩入味。豬扒肉質不錯，份量滿足。加錢跟野飲，凍奶茶香滑可口，夏天好享受。