Le Marron (已結業)

隨從今日同朕講，好西就食得多，但係法蘭西好西就未同朕去食過，朕覺得要食好西（法蘭西）就去法蘭西，但係朕去完LE Marron之後，朕覺得喺香港都可以食到好既法蘭西^^LE Marron 門口寫住Members Only，入面既裝橫好有心思，佢地用左屏風同薄紗做間格，令到客人有好高既私隱度，朕出巡銅鑼灣都唔想咁招搖，呢間樓上法蘭西菜就啱哂朕既心意！食法蘭西菜除左食環境，最最最緊要既就緊係食物啦！先黎既係豬面豬登配紅菜頭沙律，朕睇落仲以為係大大舊既牛腩，點知食落超腍又夠味，再配埋紅菜頭一齊食超開胃，做前菜真係一流！跟住就飲個黑松露蘑菇湯先，個湯口感偏厚，仲有濃濃既黑松露既香味，啱哂朕既口味！跟住就係主菜Rib Eye，朕叫左半熟，Rib Eye肉質夠嫩，加埋Rib Eye既油香入口順滑，話咁快就KO哂！當然完美既一餐就梗係要用甜品黎做個終結，朕就點左個朱古力心太軟，心太軟最緊要朱古力夠香濃，同埋個流心朱古力夠熱，呢度個流心朱古力夠哂香濃，仲要熱到出煙，加埋雲尼拉雪糕，簡直係冰火交雜，双重口感！－－－－－完－－－－－