大越越南餐廳

營業中

休息中

聽說沙田花園城一期地下開咗間新嘅越南餐廳，即刻去試試。特登等到下午茶時段，仲可以試多啲嘢食。 估唔到下午茶Menu都咁多選擇，除咗湯粉麵外，仲有飯餐。 還可以叫越南小食同特式飲品。蝦頭醬酸辣海鮮湯粉第一次食到用蝦頭醬製作嘅酸辣海鮮湯粉。酸酸辣辣得來，再加濃烈嘅蝦頭醬味，感覺幾得意，同估唔到咁match。新嘗試！生牛肉湯粉生牛肉非常新鮮再加埋晶凝通透嘅粉冇得彈烤豬頸肉半份豬頸肉非常爽口，送湯粉一流。酸辣鳳爪鳳爪非常入味，酸酸甜甜。好啱夏天食用，非常開胃唔會過辣。炸蝦餅蝦餅外殼炸到非常香脆，蝦餅做到非常彈牙。再點上附送嘅甜酸醬，蝦味更出。扎肉蒸粉包兩件扎肉舖係粉包嘅上面，蒸到剛剛好，非常健康。馬拉盞灼通菜灼通菜夠健康，如果覺得通菜無味，可以點多d馬拉盞醬一齊食，非常惹味。三色鹹檸七汽水採用較好飲嘅7up，同鹹檸冰底分開。要飲時先將七喜更加冰涼。椰汁綠豆冰食完辣嘢之後飲用椰汁綠豆冰，椰汁好香濃綠豆已經去殼打碎咗，可以降火清熱。裝修非常時尚，價錢CP值都高。 值得回頭再幫襯。