麻辣五三五 (已結業)

落雨濕濕無咩胃口，朋友話不如食下辣野刺激下味蕾，我地就去左係尖沙咀的麻辣五三五試一試。烤魚套餐 - 我地先點左個烤魚套餐，估唔到98蚊，盤烤魚會咁大盤，份量十足。條魚肉質唔錯，滑嫩少骨。中辣對我地黎講，剛剛好。我地另外點左d火鍋配料，有娃娃菜、肥牛、貢丸同粉絲。粉絲索左d辣汁後，辣勁十足。蒜泥白肉 - 擺盤唔錯，肉片厚薄適中，蒜香而不膩。乾煸四季豆 -四季豆炒得乾身爽脆，而且好入味。酸辣土豆絲 - 酸酸辣辣夠晒開胃，用黎送飯一流。