三日月

營業中

休息中

鐵板燒可以算係除咗壽司之外係香港受歡迎嘅日本菜。不過人均消費一啲都唔平，尤其是食海鮮，起碼都要6、7百一位。不過今次去嘅呢間三日月，佢哋個澳洲龍蝦加美國Prime肉眼薄燒套餐，只係收個好合理價錢，可以話CP值超高。呢個套餐有9道菜，前菜有個三款小點，其中有一款雞肉刺身，十分有趣，食起上嚟有啲似煙三文魚。主菜澳洲龍蝦非常新鮮，雖然係得半隻，但呢類龍蝦鐵板餐其他店舖可以收你$1500或以上，三日月嘅材料已經好對得住顧客。另外美國肉眼薄燒都係水準以上，就算唔係和牛，油脂分布都很平均，入口溶化。另外廚師會用龍蝦殼煮返個麵豉湯俾你，飲落去俾普通麵豉湯甜好多。最後有一個櫻花蝦鐵板炒飯，飯炒得粒粒分明。廚師教我哋食到一半時加入鰹魚湯，整成茶漬飯，又係另一種風味。除咗呢個澳洲龍蝦套餐，仲有一個輕食鐵板燒套餐都好值得推介，尤其是食量唔多嘅人。套餐可以選紐西蘭肉眼，份量剛剛好。餐廳仲有啲私人房可以一班朋友一齊，你仲可以睇住廚師煮野食。