慢煮工業 (已結業)

今晚黎到位於白楊街的慢煮工業，要上一層樓梯的。餐廳的招牌用上霓虹燈，有點懷舊的感覺，但一上樓就有套鼓，又好rock & roll~坐地枱上已經放好餐具同水，看看餐牌，留意到價錢唔高，所以我地叫左幾樣野食。小食我地揀左軟心拉芝士條，有6條咁多，好得意，用杯上的。一上枱熱辣辣食果陣D芝士可以拉到去對面位，哈哈。芝士味唔會濃到覺得漏，又炸到岩岩好唔會乾。主食揀左一個菠蘿意式香腸薄餅，一個有8件，Pizza上的芝士配上意式醬，好惹味，再配上甜菠蘿，好有層次，口感好好。我地仲揀左個美式烤豬仔骨，平時好少叫，因為好驚硬好難切，但依度烤得剛剛好，個燒烤醬好入味，肉身又軟熟，又能鎖住水份，所以食落好juicy~最後仲叫左個甜品，朱古力蛋糕配雪糕，賣相吸引有心思，碟本身都冰凍令雪糕唔好溶咁得咁快，好細心，Brownie都算大件，有點乾，但朱古力味濃，配上果仁及雪糕，為是日晚餐畫上完美句號。