七月餐室 (已結業)

餐廳環境整潔，坐位闊落冷氣又夠，仲有部超大電視！銀芽肉絲炒麵：肉絲份量非常多，炒麵卜卜脆咬落口會卡卡聲，加埋啲汁中和返感覺冇咁熱氣！蔥油香茅豬扒煎蛋飯：蔥油同香茅超野味，加埋兩隻太陽蛋撈飯一流！豬扒都大塊炸過所以好香口加埋香茅簡直絕配，香茅味又唔會太濃都會食到豬味！經典紅豆冰：超冰凍紅豆冰，消暑又解渴，啱晒熱辣辣嘅天氣！紅豆同奶比例啱啱好，唔會太甜！檸檬西洋菜蜜：感覺平平無奇嘅凍菜蜜，原來加埋檸蜜可以係好好飲！飲落好濃嘅西洋菜味加埋蜜糖平身已經好好飲再加左檸檬中和酸酸甜甜！