Chatterbox Café (圍方)

營業中

休息中

今晚係圍方發現原來佢有2人餐, $338 CP值幾高, 又可以揀必點既文華海南雞飯~2人餐有小食有菜仲有野飲甜品（特定項目要加$）朋友中意哩度既海南雞, 又滑又唔油膩, 我今次就揀左肉骨茶, 熱辣辣既湯頭胡椒香突出再甜甜地, 肉骨腍香, 而且好鬼大件仲要有成3-4件, 另外好中意佢配左一小碟即炸油炸鬼, 好耐冇食過新鮮香脆既油炸鬼啦!! 就咁食同浸湯食都好正。 小食中意黑醬油蘿蔔糕, 醬油香入哂味, 蘿蔔糕表面炒到焦香好惹味。食到中間仲可以食番條小棠菜解膩一下~OMG哩個絕對係不能錯過既甜品!! 原個椰皇配椰子雪糕賣相靚不特止, 椰子雪糕入面仲有椰子肉, 加埋荔枝肉同nuts, 成個超清甜, 一D都唔會覺得heavy!!哩度既特飲都真係幾特別唔係度度有, 涼粉豆漿同埋四季柑汁都好飲又大大杯。