Paul Lafayet (已結業)

Paul lafayet 既Crème Brûlée 法式焦糖燉蛋曾經盛極一時。當時我已經試過啦，系想再食既，但系要$50一個，太貴了，唔捨得買黎食>.<上年推出「法式焦糖燉蛋節」 一份價錢，兩份喜悅，買一送一，即係$25就有一個，買左幾張coupon，因為會抵食好多！岩岩換左黎食，終於記得影相啦，緊系寫返個食評，哈哈！入店會見到系甜品櫃放著好幾十個燉蛋，一層一層整整齊齊咁堆疊起來。 購買既時候，店員會「即叫即燒」：在燉蛋面上鋪滿黃糖，用火槍將黃糖燒作焦糖，燶燶哋嘅效果，燒得幾均勻幾靚！之後店員會提示返要半個鐘內盡快食用，保持 面層焦糖薄脆皮（有次我拎走食，的確無咁好食！要襯新鮮食呀！）今次我急不及待，即場品嚐啦！香脆的焦糖糖衣，配上散佈雲呢嗱籽有奶香既滑溜燉蛋， 味道和口感都幼滑細緻， 真叫人回味。