Pomme (已結業)

呢一篇係後補的食評，一直都提唔起興趣去寫。。。。其實間鋪頭係我舊office附近，有次午飯時間經過見到佢正在裝修，最記得個door handle的造型係一個傳統發蛋器，幾得意喎，心入面就留下一個印象，等佢開左鋪黎試下。終於一日午飯後即意走去買個我一向喜歡食的cup cake，當日見到鋪頭仲有D工人係度執下野，我差D以為佢仲未開業，不過見入面有其他客人就入去啦。可惜cup cake只有一款（可能仲係新鋪的關係），我見其他甜點款色的賣相都唔太出眾，所以都係試下個cup cake先。外賣後返到公司放入雪櫃，下午茶時間我就拎出黎食唰。好硬，好實，好重牛油，好甜。。。。我都算食得甜，不過真係食唔落口，個cake上面的cream仲摻雜左大量牛油，食落一粒粒，仲有少少鹹味，我都知傳統的cup cake會好甜同重牛油味，不過呢個我真係接受唔到，我「吉」多兩啖就丟左lu，好浪費但真係無辦法。自從ELEMENTS的Petite無左之後（有無人知道佢係搬左還是執左？），要食好味的cup cake我就要去Coco買，唉，所以見到有好多食評話旺角的cup cakery好味，我都好想試下。不過我又唔會判Pomme