糖朝 (已搬遷) 新店位置

朋友愛豆腐花，從澳洲一落機就話要食，仲要食木桶嗰隻，於是想起糖朝。很多年冇嚟喇，裝修候能容納多D人，環境尚算整潔舒適。餐牌食品種類多了，仲有即叫即蒸嘅點心。不過價錢都唔平。看見隔離檯叫小菜，份量很少，人多色飯一定唔會嚟呢度。兩個人叫了木桶豆腐花，經理話有十碗，兩個人可能會食唔哂，溫馨提示值得一讚，不過我哋一於挑戰自己。等了二十分鐘左右，熱辣辣的豆腐花終於送到。賣相一流，豆味十足，夠香，最重要係夠滑。第一碗什麼糖水也不落，好好享受豆香，第二碗加上糖水立時想起小時候在街市豆腐店吃的豆腐花，非常懷念呢。最後結果，兩個人幹掉一桶豆腐花，勁呀！